Sorumutu Konsellu Ministru loron 5 fulan Outubru tinan 2011
IV GOVERNU KONSTITUSIONÁL
SEKRETARIA ESTADU KONSELLU MINISTRU
...............................................................................................................................................
KOMUNIKADU BA IMPRENSA
Sorumutu Konsellu Ministru iha loron 5 fulan Outubru 2011
Konsellu Ministru hala’o Sorumutu iha kuarta-feira ne’e, loron 5 fulan Outubru 2011, iha Sala Sorumutu Konsellu Ministru nian, iha Palásiu Governu, iha Díli, no halo análize ona ba:
1. Dekretu-Lei ne’ebé mak aprova Planu Dezenvolvimentu Integradu Distritál
Ministériu Administrasaun Estatál no Ordenamentu Territóriu aprezenta ba Konsellu Ministru proposta ida kona-ba Dekretu-Lei ne’ebé define no regula regra sira ne’ebé bele aplika kona-ba kompeténsia, planeamentu, implementasaun no finansiamentu ba Planu Dezenvolvimentu Integradu Distritál (PDID) hodi ezekuta projetu sira iha nível distritál no sub-distritál. Sistema planeamentu no implementasaun nian ba Planu Dezenvolvimentu Integradu Distritál sei garante katak orsamentu Estadu nian sei investe iha área sira ne’ebé distritu no sub-distritu sira define tiha ona nu’udar prioridade.
Konsellu Ministru sei analiza hikas fali diploma ne’e.
