Sekretáriu Estadu Juventude no Desportu, Miguel Manetelu, iha loron 20 fulan Setembru, asina Akordu ida ho Fundasaun Real Madrid ho objetivu atu harii eskola-sósiu-desportiva iha Timor-Leste.

Akordu ida-ne’e tuir programa Sekretaria Estadu Juventude no Desportu (SEJD) nian atu hodi promove  prátika desportiva entre labarik no jóven sira, tanba prátika ne’e kontribui ba dezenvolvimentu personalidade tomak, oferese alternativa pozitiva iha tempu livre no insentiva forma no ábitu moris loro-loron nian ne’ebé mak halo isin di’ak.

Maske nune’e, hodi hetan obejetivu hanesan, eskola sósiu-desportiva hirak ne’e sei iha alunu sira, labarik feto no mane, ho idade, tinan 6 to’o tinan 17, ne’ebé barak liu mai hosi ambiente sira ne’ebé ho sósiu-ekonómiku ne’ebé mak presiza tebe-tebes. Tuir akordu ne’e, prevee tiha ona atu hahú harii uluk eskola tolu: iha Díli, Maliana, no Baucau.

Aleinde ne’e, EJD mak iha kompeténsia atu garante instalasaun sira ba prátika desportu nian no atividade sira seluk sosiál no kulturál, garante manutensaun ba atividade hirak ne’e duni no halo jestaun eskola sira nian. Fundasaun Real Madrid  sei kontribui materiál hanorin nian hodi hala’o fusionamentu ba atividade hirak ne’e, fó apoiu ba organizasaun atividade sira formasaun sósiu-kulturá no hala’o atividade sira formasaun nian ba monitór eskola sira.