Sekretáriu Estadu Formasaun Profisionál no Empregu, Bendito Freitas, hasoru malu ho Ministru Turizmu Austrália nian, Martin Ferguson, iha sidade Broome, Austrália, hodi ko’alia kona-ba oportunidade timor-oan sira atu ba servisu iha área turizmu nian iha Austrália.

Ha’u hato’o ha’u nia agradesimentu ba máximu atensaun  no kooperasaun hosi Ministru Turizmu Autrália nian, tanba liu hosi sorumutu ne’e loke tan oportunidade ba Timor-oan sira atu bá servisu no buka esperiénsia iha setór turizmu nian iha  sidade Broome, Austrália, hateten Sekretáriu Estadu Bendito Freitas.

Ministru Turizmu Austrália, Martin Ferguson, hateten “ Austrália daudaun ne’e simu servisu nain timor-oan sira atu servisu iha rai ida naran Broome,Austrália hodi bele hetan experénsia iha servisu Turizmu no hetan mós pagamentu hosi nia servisu.

Servisu nain timor-oan sira ne’e sei hala’o sira nia knaar durante fulan haat ka neen, tuir regulamentu rai ne’e ba nian. Governu Austrália sei koloka sira iha hamutuk ho komunidade lokál, atu nune’e sira bele aprende tan ema nia lian hodi hasa’e sira nia koñesimentu iha lian inglés, habelár mós kultura rai rua nian ho objetivu atu hametin liu tan lasu amizade entre sosiedade rai rua nian.