IV GOVERNU KONSTITUSIONÁL
SEKRETARIA ESTADU KONSELLU MINISTRU
……………………………………………………………………………………………………………………………..
KOMUNIKADU BA IMPRENSA
Toleránsia-de-Pontu: Tour de Timor
Lei no 10/2005, loron 10 fulan Agostu, determina loron hirak feriadu nasionál mak data ofisiál ba komemorasaun no toleránsia-de-pontu.
Tour Timor hanesan inisiativa ida mai husi Prezidente Repúblika no hanesan oportunidade únika ida atu povu Timor-oan bele hatudu illa n’ee ba mundu tomak atu nune’e loke ba Dezenvolvimentu turizmu lokál, kresimentu ekonómiku sustentável no ba promosaun imájen País nian hanesan destinu ne’ebé seguru ba vizitante internasionál sira.
Tour Timor hala’o iha loron 11 to’o loron 16 fulan Setembru daudaun ne’e, hodi haleu distritu hotu iha País ne’e.
Ho ida ne’e tuir buat nebe hakerek iha no 1 no hodi kumpri alinéa b) hosi no 2 artigu 7o nian , iha Lei no 10/2005 fulan Agostu, Primeiru-Ministru determina katak:
- Sei fó toleránsia-de-pontu iha loron 12 fulan Setembru tinan 2011 iha Distritu Manatuto;
- Sei fó toleránsia-de-pontu iha loron 13 fulan Setembru tinan 2011 iha Distritu Vikeke;
- Sei fó toleránsia-de-pontu iha loron 14 fulan Setembru tinan 2011 iha Distritu Lautém;
- Sei fó toleránsia-de-pontu iha loron 15 no loron 16 fulan Setembru tinan 2011 iha Distritu Baukau no Distritu Manatuto;
- Sei fó toleránsia-de-pontu iha loron 16 fulan Setembru tinan 2011 iha Distritu Díli;
Nune’e, toleránsia-de-pontu abranje ba funsionáriu no ajente sira hotu iha ministériu ka servisu sira nian ne’ebé dependente, nune’e mós institutu no organizmu hirak ne’ebé integradu iha administrasaun indireta Estadu nian.