Konferénsia Nasionál kona-ba Rádiu Komunidade nian
Loron 6 to’o loron 7 fulan Setembru
Sentru Treinamentu Profesór sira, eis CNRT, Balide
Sentru Rádiu Komunidade (CRC) nu’udar parte ida hosi Sekretaria Estadu Konsellu Ministru sei organiza Konferénsia Nasionál ba Rádiu Komunidade nian durante loron rua hahú iha loron 6 to’o loron 7 fulan Setembru, iha Sentru Treinamentu Profesór sira, eis CNRT, Balide, Díli.
Konferénsia loron rua ne’e ho objetivu prinsipál tolu, mak hanesan:
- Atu Kumpreende situasaun média iha Timor-Leste no Kontribuisaun Rádiu Komunidade nian iha prosesu harii nasaun;
- Hafoun fila fali prinsipiu Rádiu Komunidade no Planu Partisipasaun;
- Apoiu hosi komunidade ba sustentabilidade Rádiu Komunidade.
Oradór sira iha konferénsia ne’e mak hanesan:
- Avelino Coelho, Sekretáriu Estadu Polítika Enerjétika, sei aprezenta kona-ba Perpetiva Governu Timor-Leste nian no Apoiu Rádiu Komunidade iha prosesu harii Nasaun;
- Stephen Malloch, sei aprezenta kona-ba rezultadu xave kona-ba survey Média iha Timor-Leste: Foka ba komunidade nia asesu ba informasaun no kobertura rádiu komunidade nian;
- Rosário Maia Martins, Diretór ba Programasaun Rádiu no Televizaun Timor-Leste, sei aprezenta kona-ba RTL:Vizaun Planu no Parseria ho Rádiu Komunidade;
- Prezado Ximenes, Prezidente Asosiasaun Rádiu Kmunidade Timor-Leste, sei ko’alia kona-ba Misaun no Programa ARKTL nian;
- Iman Prakoso, Konsultór hosi Indonézia, sei ko’alia kona-ba Rádiu Komunidade: Prinsipiu no Esperiénsia iha Ázia.
