Governu Timor Leste iha loron 17 Agostu iha salaun Konsellu Ministru, Palásiu Governu, Díli, hala’o sorumutu Bilaterál ho Embaixadór Palestina nian ba Nova Zelándia, Timor-Leste, Papua Nova Guiné no Vanuatu, Izzat Abdulhadi, hodi hametin relasaun bilaterál entre Nasaun rua.

Ministru Negósiu Estranjeiru, Zacarias da Costa, informa Governu Timor-Leste kontinua hametin relasaun ho Palestina tanba estabelese relasaun bilaterál iha tinan barak  nia laran. Iha sorumutu ida ohin Palestina kontinua sira nia kompromisu fó apoiu mai Timor-Leste, liu hosi kooperasaun bilaterál iha área saúde, tenik nia.

Iha fatin hanesan, Izzat Abdulhadi hateten Palestina prontu fó apoiu ba Timor-Leste iha área saúde, liuliu ba Ospitál Nasionál Guido Valdares, no ospitál sira iha territóriu tomak liu hosi formasaun teknikú nian.