Iha loron 25 no 26 fulan Jullu, Ministériu Finansa realiza Workshop ida kona-ba “Lei Konsolidada Aprovizionamentu nian, Regra, Regulamentasaun no Formuláriu foun sira”. Ministra Finansa, Emília Pires halo abertura iha eventu ne’ebé hetan partisipasaun husi diretór jerál sira, reperzentante setór privadu nian, reprezentante sosiedade sivíl no Igreja Katólika, parseiru dezenvolvimentu no reprezentante ajénsia internasionál sira, hanesan Banku Mundiál, AusAID, JICA,BNU ANZ no PNUD.
Workshop ne’e nia objetivu mak atu halibur no fahe hanoin no sujestaun sira hodi hametin lei oioin no dekretu aprovizionamentu nian, hahú hosi tinan 2005, iha Dekretu-Lei ida ne’ebé metin ne’ebé sei aprezenta iha Sorumutu Konsellu Ministru nian.
Ministra subliña tan katak importánsia padronizasaun proposta nian no dokumentu kontratu públiku nian, hodi uza sistema envelope rua ( envelope ida ho proposta téknika no ida seluk ho proposta finanseira ne’ebé proposta téknika mak análiza uluk hafoin mak loke fali proposta finanseira) nune’e mós aplikasaun di’ak ida osan nian n’ebé haree liu ba kualidade presu no tempu.
Dekretu Lei ne’e dezenvolve hosi dekretu lei 12 ne’ebé mak iha tiha ona mak hanesan dekretu lei númeru 10/2005, Dekretu- Lei no 11/2005, Dekretu-Lei no 12/2005, Dekretu-Lei no 14/2006, Dekretu-Lei no 24/2008, Dekretu-Lei no 1/2010, Dekretu-Lei no 2/2010, Dekretu-Lei no 3/2010, dekretu-Lei no 14/2010, Dekretu-Lei no14/2011, Dekretu-lei 15/2011 no Dekretu-Lei no 18/2011.
Dekretu-Lei foun ne’ebé konsolida tiha ne’e ho objetivu atu simplifika regra sira no fornese orientasaun sira, ne’eb’e iha kompeténsia no responsabilidade liu ba ministériu sira atu utiliza di’ak liután rekursu ne’ebé iha tuir nesesidade.