Government Launches US$7.2 Million Project to Strengthen School Feeding and Support Local Farmers

Ter. 17 novembru 2026, 15:08h
WhatsApp Image 2026-11-17 at 14.16.02

Ministra Edukasaun, Dulce de Jesus Soares, no Vise-Ministru Administrasaun Estatál, Jacinto Rigoberto Gomes de Deus, ohin, loron 17 fulan-novembru tinan 2026, iha Dili, partisipa iha serimónia lansamentu ba projetu ida ho valór dolar amerikanu millaun 7,2 ho objetivu atu hadi’a alimentasaun eskolár, reforsa nutrisaun infantíl no apoia produsaun agríkola lokál. Inisiativa ne’e nu’udar rezultadu husi parseria ida entre Governu Timor-Leste, Ajénsia Kooperasaun Internasionál Koreia (KOICA) no Programa Alimentár Mundiál (PAM) Nasoins Unidas nian. WhatsApp Image 2026-11-17 at 14.15.57 WhatsApp Image 2026-11-17 at 14.15.59 WhatsApp Image 2026-11-17 at 14.16.03 WhatsApp Image 2026-11-17 at 14.16.04 WhatsApp Image 2026-11-17 at 14.15.58

Inisiativa ne’ebé ho naran Reforsu Nutrisaun no Seguransa Alimentár iha Timor-Leste (Strengthening Nutrition and Food Security in Timor-Leste – SNFS), ne’ebé finansia hosi Governu Repúblika Koreia liuhosi KOICA no sei implementa hosi tinan 2026 to’o 2030, ho previzaun atu fó benefísiu ba ema na’in-86.675, ne’ebé inklui alunu na’in-85.049 hosi eskola ensinu báziku 498, profesór, koziñeiru no interveniente sira seluk 1.156 iha implementasaun merenda eskolár, nune’e mós agrikultór 470.

Projetu ne’e ho objetivu atu reforsa Programa Nasionál Merenda Eskolár, Governu nia inisiativa ida ne’ebé hodi fornese ai-han  ba alunus hosi ensinu báziku, ho objetivu atu hadi’a sira-nia alimentasaun no nutrisaun, promove saúde, no mós kria kondisaun ne’ebé di’ak liu ba aprendizajen no permanénsia iha eskola. Programa ne’e mós buka atu insentiva utilizasaun produtu agríkola lokál iha preparasaun refeisaun, ho nune’e bele apoia agrikultór sira no kontribui ba dezenvolvimentu ekonomia lokál.

Projetu ne’e fó kontinuasaun ba rezultadu husi inisiativa faze dahuluk Say No to 5S (SN5S), ne’ebé apoia husi KOICA, no habelar ninia kobertura ba munisípiu Vikeke, ne’ebé hamutuk ho Baucau, Bobonaru no Manufahi.

Atividades ne’ebé prevee inklui konstrusaun ba dapur foun hamutuk 30 no fatin han nian iha eskola sira, fornesimentu ekipamentu dapur nian, promove konsumu foos fortifikadu, no mós hametin ligasaun entre eskola no produtór agríkola lokál sira.

Inisiativa ne’e prevee mós mekanizmu ba akizisaun produtu ai-han hosi grupu agrikultór no kooperativa sira, ho objetivu atu fasilita eskola sira nia asesu ba ai-han fresku no oioin no mós kria oportunidade komersializasaun nian ba agrikultór ki’ik kuaze 470.

Durante serimónia lansamentu ne’e, Ministra Edukasaun, Dulce de Jesus Soares, destaka relasaun entre alimentasaun eskolár, labarik sira-nia saúde no aprendizajen, no mós afirma katak projetu ne’e sei permite atu hadi’a dapur eskolár, kualidade ai-han no edukasaun nutrisionál ba alunu sira.

Jacinto Rigoberto Gomes de Deus, Vise-Ministru Administrasaun Estatál, subliña nesesidade atu halo koordenasaun entre instituisaun nasionál, munisípiu no eskola sira hodi hadi’a jestaun no monitorizasaun ba programa ne’e.

Embaixadór Repúblika Koreia ba Timor-Leste, Chang Ha Yeon, reafirma apoiu husi ninia país ba inisiativa ne’e no destaka expansaun projetu ne’e ba Vikeke, ho objetivu atu fó benefísiu ba labarik barak liután no mós apoia agrikultór lokál sira.

Reprezentante hosi Programa Alimentár Mundiál iha Timor-Leste, Jacqueline de Groot, salienta katak projetu ne’e sei permite atu reforsa kapasidade no mekanizmu nasionál sira kona-ba jestaun Programa Merenda Eskolár nian, bazeia ba rezultadu husi inisiativa anteriór sira.

Projetu ne’e inklui mós atividade formasaun ne’ebé destina ba profesór, koziñeiru, no funsionáriu públiku sira, nune’e mós atividade edukasaun nutrisionál iha eskola hodi promove hatoman an ho hahán ne’ebé saudavel liu no hametin sustentabilidade Programa Nasionál Merenda Eskolár nian.

Hafoin serimónia lansamentu, hala'o enkontru dahuluk hosi Komité Diresaun Projetu nian, ne'ebé foka ba definisaun mekanizmu jestaun no fiskalizasaun no mós koordenasaun entre entidade sira ne'ebé envolve iha nia ezekusaun.

 

 

   Ba leten