Líder sira ASEAN nian konfirma Timor-Leste nia prezidénsia ba ASEAN iha tinan 2029

Iha marku signifikativu ida ba Timor-Leste no ninia perkursu iha ASEAN nia laran, lider sira hosi Asosiasaun Nasoins Sudeste Aziátiku (ASEAN), hasoru-malu iha Simeira ASEAN ba da-49, iha Manila, konfirma formalmente ona katak Timor-Leste sei asume prezidénsia ASEAN iha tinan 2029. 910541532 1020502564439405 2116345294956982780 n 300x206 Líder sira ASEAN nian konfirma Timor Leste nia prezidénsia ba ASEAN iha tinan 2029 911453039 1020502837772711 8471633176647479415 n 300x192 Líder sira ASEAN nian konfirma Timor Leste nia prezidénsia ba ASEAN iha tinan 2029  Líder sira ASEAN nian konfirma Timor Leste nia prezidénsia ba ASEAN iha tinan 2029  Líder sira ASEAN nian konfirma Timor Leste nia prezidénsia ba ASEAN iha tinan 2029 906060873 1020502914439370 7726746984436540883 n 300x198 Líder sira ASEAN nian konfirma Timor Leste nia prezidénsia ba ASEAN iha tinan 2029 910540094 1020502661106062 4809942896021960473 n 300x199 Líder sira ASEAN nian konfirma Timor Leste nia prezidénsia ba ASEAN iha tinan 2029

Desizaun ne’e mosu bazeia ba manifestasaun disponibilidade Timor-Leste nian no autorizasaun husi Konsellu Koordenasaun ASEAN (ACC), iha loron 14 fulan-novembru tinan 2026, tuir n. 1 husi artigu 31.º Karta ASEAN nian, ne’ebé prevee rotasaun tinan-tinan ba prezidénsia ASEAN bazeia ba orden alfabétika husi naran Estadus-Membrus iha lian  Inglés.

Durante sesaun plenária hosi Simeira ASEAN, ne’ebé hala’o iha loron 15 fulan-novembru tinan 2026, Prezidente Repúblika Filipinas no Prezidente ASEAN, Sua Exelénsia Ferdinand R. Marcos Jr., konfirma formalmente desizaun husi lider sira ASEAN nian, hatudu konfiansa ba kapasidade Timor-Leste nian atu asume responsabilidade importante ida-ne’e no garante ba Primeiru-Ministru, Sua Exelénsia, Kay Rala Xanana Gusmão, ba apoiu tomak no kooperasaun Estadus-Membrus ASEAN nian.

Iha ninia intervensaun, Primeiru-Ministru Xanana Gusmão hato’o Timor-Leste nia agradesimentu sinseru ba Estadus-Membrus ASEAN ba desizaun koletiva no konfiansa ne’ebé fó ba país ne’e.

 “Ami konsidera katak ida-ne’e responsabilidade importante no oportunidade ida atu serbí ASEAN no kontribui ba futuru ita-nia rejiaun nian”, afirma Primeiru-Ministru.

Primeiru-Ministru reafirma katak Timor-Leste hahú prepara ona ba ninia prezidénsia iha tinan 2029, inklui hametin instituisaun nasionál sira no dezenvolvimentu kapasidade sira ne’ebé presiza atu kumpre ninia responsabilidade sira ho efikás.

Reflete kona-ba perkursu Timor-Leste nian dezde sai Estadu-Membru ASEAN ba dala sanulu-resin-ida, iha loron 26 fulan-outubru tinan 2025, Primeiru-Ministru Xanana Gusmão salienta profundu signifikativu hosi adezaun ba ASEAN ba futuru país ne’e nian.

 “Tinan ida liubá, Timor-Leste adere ba ASEAN ho esperansa no espetativa boot. Ohin, ami-nia adezaun hametin ona ami-nia konfiansa ba futuru no fó mai ami objetivu foun ida,” nia afirma.

 “Ami orgullu halo parte iha ASEAN no ami komprometidu atu ajuda harii ninia futuru,”

Konfirmasaun ba prezidénsia Timor-Leste nian iha tinan 2029 marka kapítulu foun ida ne’ebé importante iha integrasaun rejionál país nian, hodi reflete tantu konfiansa ASEAN iha ninia Estadu-Membru foun liu nune’e mós responsabilidade Timor-Leste nian ne’ebé boot ba beibeik iha promosaun aspirasaun komún Komunidade ASEAN nian.

Timor-Leste haree Prezidénsia la’ós de’it hanesan marku nasionál ida, maibé mós hanesan responsabilidade solene ida atu serbí família hotu-hotu ASEAN nian, hodi defende unidade no sentralidade ASEAN, no mós kontribui ba pás, estabilidade, prosperidade no dezenvolvimentu sustentavel iha rejiaun ne’e ho forma signifikativu.

Governu Timor-Leste afirma ninia agradesimentu kle’an ba Filipinas, nu’udar Prezidente ASEAN iha tinan 2026, no Estadu-Membru hotu-hotu ASEAN nian ba solidariedade, konfiansa no apoiu ne’ebé kontínuu.

Haree ba futuru, Timor-Leste nafatin iha kompromisu tomak hodi serbisu makaas ho Estadu-Membru sira seluk no Sekretariadu ASEAN, hodi garante katak Prezidénsia iha tinan 2029, sai inkluzivu, efikás no signifikativu, hodi kontribui ba implementasaun Vizaun Komunidade ASEAN nian ba 2045 no ba aspirasaun koletiva povu Sudeste Aziátiku nian.

url: https://timor-leste.gov.tl?lang=tp&p=53912