“Adeus Konflitu, Bem-vindu Dezenvolvimentu” nu’udar tema reuniaun anuál, tinan 2010, ba Paízes Parseirus Dezenvolvimentu Timor-Leste, ne’ebé sei hala’o iha Díli, iha loron 7 fulan Abril oin mai.

Atu partisipa iha enkontru internasionál ida ne’e, organizasaun konvida tiha ona ema husi paízes 45 (hanulu resin lima) hein katak ema ne’ebé mak sei partisipa liu 150 (atus ida limanulu).

Primeiru-Ministru Xanana Gusmão mak sei hala’o abertura ofisiál, ho reflesaun ida kona-ba “Dezafiu ba Dezenvolvimentu Timor-Leste, Pasadu no Prezente” no ho aprezentasaun “Esbosu Planu ba Dezenvolvimentu Estratéjiku ba Longu no Médiu Prazu ba Timor-Leste”.

Eventu sei hala’o iha Sentru Konferénsia Merkadu Munisipál kapitál timorense nian.