AVISU

Resensiamentu Eleitoral no Atualizasaun Baze Dadus Eleitoral Biometriku iha Âmbitu Preparativus Eleisaun Prezidensial 2027.

STAE informa ba públiku katak, hahu iha Loron 07 fulan Outubru 2026 to’o iha loron 22 fulan Janeiru 2027, STAE sei hala’o atendementu ba Resensiamentu Eleitoral no Atualizasaun Baze Dadus Eleitoral Biometriku, iha Postu Administrativu hotu-hotu no Autoridade Administrativa Atauro, nu’udar preparasaun ba Eleisaun Prezidensial 2027.

Nune’e, STAE konvida sidadaun Timor oan sira ne’ebé kompleta ona tinan 16 ba leten no seidauk halo resensiamentu eleitoral atu hakat ba postu atendementu hodi bele resensea no hetan Kartaun Eleitoral.

Ba sidadaun sira ne’ebé resensia ona, maibé seidauk atualiza sira-nia Kartaun Eleitoral ba kartaun eleitoral foun ho sistema biometriku, ka hakarak hadi’a sira-nia dadus pesoál, muda hela-fatin / rezidénsia, ka troka kartaun eleitoral ne’ebé a’at ka lakon, bele hakat ba postu atendementu iha Postu Administrativu ida-idak hodi halo atualizasaun baze dadus eleitoral.

REKEJITUS SIRA

1. BA SIDADAUN ELEITOR NE’EBÉ FOIN ATU RESENSIA / REJISTU
Tenki aprezenta dokumentu sira tuir mai:
* Sertidaun Nascimentu RDTL, orijinal ka kopia autentikada, ho kopia ida;
ou
* Bilhete Identidade RDTL, orijinal no válidu ka kopia autentikada, ho kopia ida;
ou
* Passaporte RDTL, orijinal no válidu ka kopia autentikada, ho kopia ida;

* Deklarasaun Rezidénsia ka domisiliariu husi Xefe Suku.
Ba sidadaun arkerida, tenki aprezenta mos Sertidaun Sidadania ne’ebé emite husi Ministériu Justisa RDTL.
______________
2. BA ELEITOR NE’EBÉ RESENSIA ONA MAIBÉ HAKARAK ATUALIZA KA HADI’A DADUS ELEITORAL
Hanesan:
* Hadi’a naran ka data moris ne’ebé sala;
* Troka kartaun eleitoral ne’ebé a’at / tohar;
* Halo mudansa hela-fatin / rezidénsia;
* Kartaun eleitoral lakon, ka
* Atualiza Kartaun Eleitoral atual ba Kartaun Eleitoral foun ho sistema biometriku.
______________
a) Wain hira atu hadia naran ka data moris ne’ebé sala
Tenki aprezenta:
* Sertidaun Nascimento RDTL, orijinal ka kopia autentikada, ho kopia ida;
ka
* Bilhete Identidade RDTL, orijinal no válidu ka kopia autentikada, ho kopia ida;
ka
* Passaporte RDTL, orijinal no válidu ka kopia autentikada, ho kopia ida;
* Kartaun Eleitoral orijinal ne’ebé iha dadus sala.
______________
b) Wain hira atu muda hela fatin ka Rezidénsia ;
Tenki aprezenta:
* Deklarasaun Rezidénsia husi Xefe Suku iha fatin ne’ebé ita hakarak muda ba.
* Sertidaun Nascimento RDTL, orijinal ka kopia autentikada, ho kopia ida;
ka
* Bilhete Identidade RDTL, orijinal no válidu ka kopia autentikada, ho kopia ida;
ka
* Passaporte RDTL, orijinal no válidu ka kopia autentikada, ho kopia ida;
* Kartaun Eleitoral Orijinal atu halo mudansa dadus hela-fatin/rezidénsia.
______________
c) Wain hira kartaun eleitoral lakon ;
Tenki aprezenta:
* Deklarasaun Lakon husi PNTL kona-ba Kartaun Eleitoral ne’ebé lakon;
* Sertidaun Nascimento RDTL, orijinal ka kopia autentikada, ho kopia ida;
ka
* Bilhete Identidade RDTL, orijinal no válidu ka kopia autentikada, ho kopia ida;
ka
* Passaporte RDTL, orijinal no válidu ka kopia autentikada, ho kopia ida.
______________
3. Wain hira troka ka Atualiza kartaun eleitoral atual ba kartaun eleitoral foun ho sistema biometriku ;
Tenki aprezenta:
* Sertidaun Nascimento RDTL, orijinal ka kopia autentikada, ho kopia ida;
ka
* Bilhete Identidade RDTL, orijinal no válidu ka kopia autentikada, ho kopia ida;
ka
* Passaporte RDTL, orijinal no válidu ka kopia autentikada, ho kopia ida.

STAE husu kooperasaun no partisipasaun ativa husi sidadaun hotu-hotu atu asegura katak ita-nia dadus eleitoral loos, kompletu no atualizadu hodi partisipa iha loron eleisaun.

Ba informasaun detalhadu, bele kontaktu:

Telefone: 78129097
Email : staeiprenasional@gmail.com
Facebook: STAE TIMOR-Media

Bele hetan mos informasaun iha, kuadru avisu Administrasaun Postu Administrativu sira.