Sorumutu Konsellu Ministrus loron 7 fulan-outubru tinan 2026

Konsellu Ministrus hala’o sorumutu iha Palásiu Governu, Dili, no analiza aprezentasaun preliminár kona-ba Akordu entre Governu Repúblika Demokrátika Timor-Leste no Governu Repúblika Indonézia kona-ba Promosaun no Protesaun ba Investimentus.

Objetivu hosi Akordu ne’e atu kria kondisaun ne’ebé favoravel liu ba investimentu entre nasaun rua ne’e, liuhosi kuadru protesaun nian ida no tratamentu investimentu, fasilitasaun ba prosedimentu no mekanizmu atu rezolve litíjiu sira ne’ebé bele mosu. Tanba ne’e, instrumentu ne’e buka atu reforsa konfiansa investidór sira nian, promove fluksu kapitál no teknolojia, no mós kontribui ba dezenvolvimentu ekonómiku no hametin kooperasaun bilaterál. REMATA