Serimónia entrega komputadór UNMIT nian ba Governu Timor-Leste ne’ebé hala’o iha loron 15 fulan Juñu tinan 2011, iha Ministériu Finansa.

Komputadór ne’ebé oferese mak hamutuk 300, entrega ona 60 ne’ebé instala ona lima. Komputadór restu sira seluk sei entrega tuir faze.

Clark Toes hosi Ekipa Likidasaun ba Nasoens Unidas hateten katak ne’e mak prátika instituiaun nian, iha mundu tomak, entrega materiál, inklui komputadór sira,  ba Governu parseiru ba nia uzu bainhira misaun hotu ka komesa hamenus, hanesan kazu ne’e, iha Timor-Leste.Hakarak katak, ekipamentu hirak ne’e iha valór ba Governu no fó benefísiu ba nia utilizadór sira.

Manuel Monteiro, reprezentante Governu nian, agradese UNMIT ba oferta ne’e no nia dehan iha esperansa atu komputadór hirak ne’e bele sai útil ba atividade oioin Governu nian, inklui formasaun  iha Aprovizionamentu, iha Ministériu Finansa ka iha Distritu sira, hanesan mós, bele halo doasaun fali ba organizasaun sosiedade sivíl nian, bainhira presiza duni.

Serimónia hotu ho asinatura ba akordu ida, entre reprezentante UNMIT no Governu.