Timor-Leste asina Deklarasaun Adezaun ba Konvensaun kona-ba Munisaun Fragmentasaun nian

Ministru Negósius Estranjeirus no Kooperasaun, Bendito dos Santos Freitas, iha loron 15 fulan-setembru tinan 2026, asina Deklarasaun Adezaun Timor-Leste nian ba Konvensaun kona-ba Munisaun Fragmentasaun, iha serimónia ida ne’ebé hala’o durante Konferénsia Revizaun Datoluk ba Konvensaun, iha Vientiane, Repúblika Demokrátika Populár Laos. Deklarasaun ne’e entrega ba Prezidente Konferénsia, Vise-Primeiru-Ministru no Ministru Negósius Estranjeirus Laos nian, Thongsavanh Phomvihane. 811616774 953472131127563 2516087521589951508 n 300x205 Timor Leste asina Deklarasaun Adezaun ba Konvensaun kona ba Munisaun Fragmentasaun nian 811963124 953473331127443 1354638611149535522 n 300x185 Timor Leste asina Deklarasaun Adezaun ba Konvensaun kona ba Munisaun Fragmentasaun nian 809736317 953473021127474 7218900530179380938 n 300x170 Timor Leste asina Deklarasaun Adezaun ba Konvensaun kona ba Munisaun Fragmentasaun nian 811340822 953473407794102 7790044739893669605 n 300x202 Timor Leste asina Deklarasaun Adezaun ba Konvensaun kona ba Munisaun Fragmentasaun nian 811472731 953472354460874 6606936234754972323 n 300x204 Timor Leste asina Deklarasaun Adezaun ba Konvensaun kona ba Munisaun Fragmentasaun nian

Asinatura ba deklarasaun ne’e reafirma kompromisu nasionál ba dezarmamentu umanitáriu, direitu umanitáriu internasionál, seguransa umana no protesaun ba ema sivíl sira.

Konvensaun kona-ba Munisaun Fragmentasaun aprova iha Dublin iha tinan 2008, no vigora dezde loron 1 fulan-agostu tinan 2010, ne’ebé estabelese proibisaun ba utilizasaun, produsaun, akizisaun, armazenamentu no transferénsia arma hirak-ne’e no mós prevee medida sira kona-ba destruisaun armazén armas nian, hamoos restu munisaun fragmentasaun, edukasaun kona-ba riskus no asisténsia ba vítima sira.

Timor-Leste partisipa iha Prosesu Oslo ne’ebé lori ba elaborasaun Konvensaun ne’e no hamutuk iha konsensu atu aprova ninia testu iha Dublin iha loron 30 fulan-maiu tinan 2008. Lider nasionál sira mós hato’o sira-nia apoiu ba universalizasaun Konvensaun ne’e no mós esforsu internasionál iha área dezarmamentu umanitáriu.

Asinatura ne’e hala’o durante Konferénsia Revizaun Datoluk ba Konvensaun kona-ba Munisaun Fragmentasaun, ne’ebé hala’o hosi loron 14 to’o loron 18 fulan-setembru iha Vientiane, ho tema “Aselera Progresu ba Mundu ida ne’ebé Livre hosi Ameasa Munisaun Fragmentasaun”.

Iha ninia diskursu iha Konferénsia ne’e, iha loron 14 fulan-setembru, Ministru Bendito dos Santos Freitas reafirma Timor-Leste nia determinasaun atu kontribui ba esforsu internasionál hodi promove dame, dignidade umana no protesaun ba jerasaun futuru sira, no mós husu atu hametin kooperasaun rejionál no internasionál iha ámbitu dezarmamentu umanitáriu.

Konferénsia ne’e mós diskute hela kona-ba Planu Asaun Vientiane ba tinan 2027-2031, ne’ebé ho objetivu atu orienta implementasaun Konvensaun ne’e iha tinan lima oin mai.

 

 

url: https://timor-leste.gov.tl?lang=tp&p=51794