Sekretáriu Estadu ba Defeza, Júlio Tomás Pinto, no Xefe Estadu-Maior Jenerál ba Forsa Armada, Taur Matan Ruak, partisipa iha Simeira Altu Nível nian ba dasanuluk kona-ba Seguransa iha Ázia, ne’ebé organiza hosi Institutu Internasionál ba Estudu Estratéjiku kona-ba Seguransa Ázia nian (ne’ebé ema hotu koñese nu’udar Diálogu Shangri-La nian). Eventu ne’e hala’o iha Singapura, entre loron 3 no 5 fulan Juñu 2011, no halibur país Ázia Pasífiku nian hamutuk 27, no parseiru sira, atu diskute kestaun hirak ne’ebé relasiona ho seguransa rejionál Ázia-Pasífiku nian, nune’e mós atu hodi troka pontudevista kona-ba dezafiu sira seguransa rejionál nian.

Major Jenerál Taur Matan Ruak no Almirante Robero F. Williard, Komandante ba Komandu Estadus Unidus no Pasífiku nian asina ona Programa ida kona-ba Kooperasaun ba Téknika Defeza nian.

Delegasaun Timor-Leste nian konta mós ho prezensa Embaixadór Timor-Leste nian iha Singapura, Roberto Soares, no ofisiál na’in rua hosi Falintil-Forsa Defeza Timor-Leste nian (F-FDTL).