Ministru Agio Pereira no Embaixadora Austrália ko’alia kona-ba kooperasaun bilaterál
Iha loron 14 fulan-setembru tinan 2026, Ministru Prezidénsia Konsellu Ministrus, Agio Pereira hasoru malu ho Embaixadora Austrália ba Timor-Leste, Caitlin Wilson, hodi ko’alia kona-ba kooperasaun bilaterál no área sira ne’ebé sai interese hamutuk entre país rua ne’e. 
Sorumutu ne’e foka liuliu ba kooperasaun iha área siberseguransa no dezenvolvimentu kapasidade, nune’e mós preparasaun Timor-Leste ba ninia responsabilidades iha futuru iha ámbitu ASEAN.
Parte rua ne’e troka hanoin kona-ba oinsá atu hakle’an kooperasaun, liuhusi fahe informasaun no koñesimentu, kapasitasaun institusionál, no mós asisténsia téknika.
Parte rua ko’alia mós kona-ba kestaun sira ne’ebé iha relasaun ho seguransa, dezenvolvimentu kapasidade dijitál, no mós preparasaun institusionál no infraestruturas, iha kuadru prioridades nasionál Timor-Leste nian.
Iha sorumutu ne’e nia rohan, parte rua ne’e hato’o sira-nia vontade atu mantein diálogu no koordenasaun kona-ba área sira ne’ebé sira ko’alia ona no mós kontinua inisiativas kooperasaun bilaterál nian.
