Sekretaria  Estadu  Seguransa  (SES),  tuir  orientasaun  husi  Ministru  Defeza  no  Seguransa,  iha responsabilidade ba área  seguransa  públika,  investigasaun  kriminál  no  imigrasaun.

Iha diresaun  barak  mak SES  mak  kaer ,  hanesan Diresaun  Nasionál  Protesaun  Sivil  ( ne’ebe  inklui  Bombeiru  Nasionál  sira),  Diresaun  Nasionál  Servisu  Migrasaun,  Diresaun  Nasionál  Servisu  Edifísiu  Públiku  no  Diresaun  Nasionál  Prevensaun  Konflitu  Komunitáriu,  ne’ebe  sevisu  rasik ho PNTL  atu  hodi  previne  situasaun ruma ne’ebé muda  ordem  públika.

Durante  tinan  ida  ne’e, tuir  traballu  restruturasaun  ne’ebe    mak  hala’o hahú  husi  IV  Governu  Konstitusionál  hola  pose,  Sekretaria  Estadu  Seguransa  sei  fó  atensaun  espesiál  ba  PNTL,  atu hametin instituisaun  no  garante  seguransa  interna  País  nian,  no  mós  atu bele hala’o  dezenvolvimentu  nasionál.  Maibe  iha tinan 2011   sei  sai,  nu’udar  tinan  atu hahú restruturasaun ba Bombeiru  sira  Timor-Leste nian  no  Departamentu  Migrasaun.  Sekretaria  Estadu  Seguransa sei prepara,  mós  ba  tinan  ida  ne’e,  Proposta  Lei ida kona-ba Protesaun  Sivil,  atu  hodi   hatán  ba  situasaun ruma kona-ba dezastre sira  ne’ebe bele mosu iha  País  ne’e.

“Ba  Bombeiru  sira,  ami  fó  ekuipamentu  no  harii infra-estrutura sira  atu  hodi bele  servisu  di’ak  liután.  Ba seguransa  públika,  ami  fó  formasaun  la’ós   atu   hadi’a  seguransa  ba edifísiu iha  públiku sira de’it,  maibé  atu  hodi  aprende,  purexemplu,  komunika  ho  Polísia  ka  oinsá hasoru asaltu  ida. Ba  serbisu  migrasaun,  ami  prepara,  ho  apoiu  Portugual  no  Australia sira nian, halo Sistema  Pase  -  métodu  ida atu  hodi  deteta ka deskobre passporte  ka  dokumentu  sira seluk ne’ebé falsu ,  ne’ebe  mak  experimenta  tiha  ona  iha  Aeroportu  Díli  no  lakleur  tan  sei  instala  iha  postu  sira hotu ne’ebé tau iha fronteira Timor-Leste nian”,  hateten  Sekretáriu  Estadu  Seguransa, Francisco  Guterres.