Dili, 7 Agostu 2026 — Ministru Prezidénsia Konsellu Ministru, S.E. Agio Pereira, hala’o sorumutuk ho Vise Prezidente Ezekutivu Woodside, Julie Fallon, iha Palásiu Governu Dili, ba diskusaun sira kona-ba asuntu sira interese mútuo nian, ho foku partikulár ba projetu Greater Sunrise no oportunidade sira atu hametin kooperasaun entre Governu Timor-Leste no Woodside.

Enkontru ne’e fó oportunidade ba parte rua atu troka opiniaun kona-ba importánsia estratéjiku projetu Greater Sunrise nian no ninia kontribuisaun potensiál ba dezenvolvimentu ekonómiku Timor-Leste nian iha tempu naruk. Diskusaun sira mós foka ba importánsia hosi envolvimentu kontinua, kooperasaun no diálogu konstrutivu hodi apoia avansu projetu nian.REMATA.