Timor-Leste sei komemora no aniversáriu Restaurasaun Independénsia país nian ba dasiak iha loron 20 fulan Maiu 2011.

Loron 19 fulan Maiu, iha dadeer tuku 9 otl, sei iha Misa Agradesimentu nian iha Katedrál Díli.

Loron 20 fulan Maiu, komemorasaun sira sei hahú iha dadeer tuku 9 otl ho serimónia hasa’e Bandeira iha Palásiu Governu, tuir kedas ho Pasajen Revista ba Forsa Armada hosi Prezidente Repúblika.

Iha lorokraik tuku 5 otl, sei iha serimónia hatún Bandeira nian, nune’e remata ona komemorasaun sira.

Sei marka prezensa iha serimónia ne’e na’i ulun sira mak hanesan, Prezidente Repúblika, José Ramos Horta, Primeiru-Ministru, Kay Rala Xanana Gusmão, Prezidente Parlamentu Nasionál, Fernando Lasama de Araújo no Prezidente Tribunál Rekursu, Cláudio Ximenes.