……………………………………………………………………………………………………………
Komunikadu Imprensa
Deklarasaun Governu Repúblika Demokrátika Timor-Leste nian kona-ba rai-nakdoko ne’ebé akontese iha Venezuela
Ho tristeza no laran-taridu tebes, mundu simu notísia kona-ba rai-nakdoko makaas ne’ebé akontese iha Venezuela iha loron 24 fulan-juñu liubá.
Imajen sira ne’ebé to’o mai ami kona-ba estragu sira ne’ebé kauza hosi rai-nakdoko maka’as ne’e, hatudu destruisaun grave ne’ebé kauza hosi katástrofe ne’ebé molok ne’e nunka akontese.
Iha momentu tristeza ida-ne’e, ami-nia hanoin, solidariedade, no esperansa hamutuk ho família no belun sira ne’ebé lakon ema ne’ebé sira hadomi, ho sira ne’ebé kanek, no mós ho autoridades, ekipa emerjénsias, no voluntáriu sira ne’ebé la kolen buka sobrevivente sira no fó tulun ba vítima sira.
Governu Repúblika Demokrátika Timor-Leste hato’o sentidu kondolénsia kle’an ba família enlutada sira no reafirma ninia solidariedade ho povu Venezuela ba akontesimentu trájiku ida-ne’e. REMATA