Timor-Leste organiza  hela  “Konferénsia  Rejional  ITIE”,  ne’ebe  sei  hala’o  iha fulan Agostu oin mai, iha Díli.

Sorumutu internasionál ne’e ba Inisiativa Transparénsian Indústria Extraktiva (ITIE) sei mai  hamutuk  iha  kaapitál  Timor-Leste nian reprezentante país no organizasaun internasionál sira 30 resin,  atu hodi debate kona-ba  kestaun  oioin ne’ebé iha relasaun ho jestaun di’ak rekursu nian. Sei aprezenta ezemplu balun kona-ba jestaun di’ak nian  husi  parte país ne’ebe integra ba instituisaun -  sira ne’e ida mak Timor-Leste.  Entre asisténsia sei  iha,  mós, reprezentante husi país kandidatu ba prosesu kumprimentu regra konseituada organizasaun internasionál hanesan Indonésia no  Austrália.

Tema hodi halo debate iha Konferénsia ne’ebe  sei  hala’o iha Agostu, iha Díli, sei  sai Modelu  Transparénsia ne’ebe  Timor-Leste dezenvolve  daudauk   -  modelu  ida  inovadór  no  efikáz,  ne’ebe  tau  iha  pilar  fundamentál  lima.

Pilar ba dala uluk husi Modelu  Timor-Leste nian mak  Portál  Transparénsia,  nu’udar sítiu internet  ida ne’ebe fó sai informasaun kona-ba konta Estadu Timor-Leste  nian,  hahú  husi  tinan  2002. Sai nu’udar espesiál husi  ferramenta  ne’e  mak  aktualizasaun ba informasaun  ne’ebe  fó  sai  kedas,  ka  bainhira konfirma katak iha osan tama no sai, sei publika kedas iha Portál, ne’ebe hakerek iha lian tetun,  portugés  no  Inglés.  Atu   hetan asesu  ba  Portál Transparénsia nian sei klika iha ne’e.

Pilar  ba  darua  husi  modelu  ne’e  mak  halo tuir regra ITIE  nian,  ne’ebe  fó ba  jestaun  Timor-Leste nian kualifikasaun konformidade  totál,  iha  Jullu  tinan  liu  ba, hafoin fó tiha relatóriu  ba  dala  uluk  nian,  iha  Dezembru  2009.  Iha  tinan  ne’e duni, hili hikas faliTimor-Leste ba  Konsellu  ITIE, ne’ebe  pretense  tiha  ona  ba  instituisaun  ne’e  iha  2009.  Inisiativa  no  rigór  ne’ebe  hatudu  husi  Nasaun nurak ne’e, sira foti Timor-Leste nu’udar primeiru país iha Ázia  Pasífiku,  no  terseiru  iha  mundu, mak kumpri  regra  ITIE,  ne’ebe  garante  transparénsia  no  responsabilizasaun  iha  nasaun   sira  ne’ebe   riku  iha  rekursu.  Relatóriu  ba  darua Timor-Leste nian kona-ba  ITIE, hato’o tiha ona,  iha  Díli,  iha  loron 25  fulan  Marsu  liu  ba  ne’e.  Iha relatóriu  ne’e hakerek hotu kedas osan ne’ebé  selu  husi  kompañia petrolífera sira ne’ebé  mak halo operasaun iha Timor-Leste,  no  osan  selu  ba  Governu.  Atu  iha  asesu  ba  relatóriu ne’e klika  iha ne’e.

Pilar datolu  Modelu  Transparénsia  Timor-Leste  nian mak  Fundu  Petrolíferu.  Kria Fundu  ne’e iha  fulan  Setembru  tinan  2005  ho  objetivu  atu  kontribui  ba jestaun di’ak  husi  rekursu  petrolíferu sira no  ba  polítika  fiscal  ida  ne’ebe metin.  Ninia  jestaun  halao  liu  husi  Autoridade  Bankária  no  pagamentu (ABP).  Atu  iha  asesu ba relatóriu hirak ne’e, klika iha ne’e.

Pilar dahaat Modelu  Transparénsia  Timor-Leste  nian mak  fó sai diretu liu husi televizaun, kona-ba  totalidade  diskusaun  Orsamentu  Jerál  Estadu  (OGE)  nian hahú  kedas husi  tomada  pose  husi  IV  Governu  Konstitusionál, diskusaun OGE  ne’ebé dura durante  loron  13.  La’os  fó sai de’it  votasaun  finál,  maibé  mós  fo  sai  diskusaun sira   ne’ebe  hala’o  iha  Parlamentu  Nasionál.

Ikus  liu, pilar dalima  Modelu  Transparénsia Timor-Leste nian mak ko’alia kona-ba publikasaun ba komunikadu  imprensa sira  husi  sorumutu  Konsellu  Ministru nian  iha  Portál  Governu no,  sei  mós, nia diseminasaun   ba  lista  kontaktu  ema nian  ka  entidade  sira  ne’ebé  mak  iha interese atu hatene Governu nia desizaun sira no mós kestaun hirak ne’ebé analiza  husi    Governu.  Informasaun  ida  ne’e,  mós,  hakerek  iha  lian  tetun, portugés  no  inglés.  Atu hetan asesu ba komunikadu imprensa hirak husi sorumutu Konsellu Ministru Timor-Leste nian, klika iha ne’e.