Toleránsia pontu iha loron 21 no loron 25 (dadeer) fulan Abríl tinan 2011
IV GOVERNO CONSTITUCIONAL
SECRETARIA DE ESTADO DO CONSELHO DE MINISTROS
.............................................................................................................................................
KOMUNIKADU BA IMPRENSA
IV Governu Konstitusionál Timor-Leste nian diside tiha ona fó toleránsia pontu hosi loron ruanulu resin ida (21) fulan Abril (durante loron tomak) no iha loron ruanulu resin lima (25) fulan Abril (durante dadeer, to’o oras sanulu resin rua (12 otl), ba funsionáriu no ajente ministériu sira ka servisu ne’ebé sira depende ba, nune’e mós institutu no organizmu ne’ebé tama iha administrasaun indireta Estadu nian.
Desizaun ida-ne’e bazeia ba Lei nº 10/2005 loron 10 fulan Agostu nian, ne’ebé estabele rejime jurídiku ba loron feriadu, data komemorativa no toleránsia pontu nian. Entre data ofisiál komemorativa hirak ne’e, Kinta-feira Sanda mak iha tinan-tinan la monu iha loron hanesan.
Kinta-Feira Santa, tinan ida-ne’e sei selebra, iha loron ruanulu resin ida (21) fulan Abril, loron ikus kuarezma nian no hahú Triduu (loron tolu tuituir malu) paskál iha kalendáriu relijiaun katólika nian, ba Komunidade Kristaun Timor-Leste, no loron ne’e nu’udar loron boot no importante tebe-tebes ba komunidade Kristaun Timor-Leste nian. Ho faktu ida-ne’e Governu hola desizaun fó toleránsia pontu, durante loron tomak.
Fulan ne’e duni hahú iha loron ruanulu resin lima (25), fó toleránsia pontu, durante dadeer nian hodi ida-idak fila ba nia uma, hafoin selebrasaun Domingu Páskoa nian hamutuk ho família sira iha distritu.
