Iha loron 16 fulan-abríl tinan 2026, Governu hala’o sorumutu datoluk kona-ba koordenasaun nivel altu Konsellu Nasionál Organizasaun Prezidénsia ASEAN Timor-Leste 2029 (KNOP-ASEAN) nian, iha Ministériu Negósius Estranjeirus no Kooperasaun, Dili, iha ámbitu preparasaun nasionál hodi asume lideransa organizasaun rejionál ne’e iha tinan 2029. 672671896 825098943975859 1330581065132496253 n 300x169 Governu realiza sorumutu koordenasaun datoluk ba preparasaun Prezidénsia ASEAN 2029 675176789 826051487202962 7500733962550597332 n 300x186 Governu realiza sorumutu koordenasaun datoluk ba preparasaun Prezidénsia ASEAN 2029 673499238 826051537202957 9135714102673194360 n 300x200 Governu realiza sorumutu koordenasaun datoluk ba preparasaun Prezidénsia ASEAN 2029 672383237 847724505036997 4920149303705450188 n 300x199 Governu realiza sorumutu koordenasaun datoluk ba preparasaun Prezidénsia ASEAN 2029 672673540 825099110642509 7132603481720855127 n 300x180 Governu realiza sorumutu koordenasaun datoluk ba preparasaun Prezidénsia ASEAN 2029 672672828 825098337309253 1651006143444480297 n 300x203 Governu realiza sorumutu koordenasaun datoluk ba preparasaun Prezidénsia ASEAN 2029

Sorumutu ne’e prezide husi Vise-Primeiru-Ministru no Ministru Koordenadór Asuntus Ekonómikus, Francisco Kalbuadi Lay, no hetan partisipasaun husi Ministru Negósius Estranjeirus no Kooperasaun, Bendito dos Santos Freitas, nu’udar Prezidente Komité Ezekutivu KNOP-ASEAN, nune’e mós membru Governu sira seluk no reprezentantes hosi entidades públikas.

Sorumutu ne’e ho objetivu atu reforsa artikulasaun entre entidade sira ne’ebé envolve iha preparasaun ba Prezidénsia ASEAN, nune’e mós halo pontu situasaun ba serbisu ne’ebé la’o hela iha ámbitu mekanizmu nasionál koordenasaun nian.

Iha sorumutu ne’e, Ministru Bendito dos Santos Freitas subliña katak Prezidénsia ASEAN hanesan prioridade estratéjika nasionál ida, ne’ebé ezije dixiplina institusionál, prontidaun operasionál no koordenasaun ida ne’ebé efikás husi Governu tomak. Nia fó-hanoin katak KNOP-ASEAN kria husi Rezolusaun Governu, ne’ebé aprova iha Konsellu Ministrus, hanesan órgaun sentrál ne’ebé responsavel ba orientasaun estratéjika, koordenasaun no supervizaun ba atividade sira ne’ebé relevante ho prosesu ida-ne’e.

Xefe Diplomasia nasionál ne’e destaka mós papél hosi Komité Ezekutivu KNOP-ASEAN no Sekretariadu Nasionál ASEAN nian iha jestaun operasionál, implementasaun ba desizaun, no mós ezekusaun planu traballu ne’ebé aprova ona.

Durante prosesu traballu ne’e, nia salienta mós nesesidade atu reforsa koordenasaun interministeriál, ne’ebé rekomenda dezignasaun pontu fokál sira iha ministérius relevantes, bazeia ba ida-idak nia área kompeténsia, hodi asegura preparasaun téknika ne’ebé nesesária.

Vise-Primeiru-Ministru Francisco Kalbuadi Lay subliña importánsia husi prosesu ida-ne’e ba hametin pozisaun Timor-Leste nian iha kontestu rejionál no reafirma nesesidade ba koordenasaun ida ne’ebé efikás no tuir tempu entre instituisaun sira ne’ebé envolve.

Partisipa mós iha sorumutu ne’e, Vise-Primeiru-Ministru no Ministru Koordenadór Asuntus Sosiais, Mariano Assanami Sabino, Vise-Ministra Negósius Estranjeirus no Kooperasaun, Jesuína Gomes, no mós Vise-Ministra ba Asuntus ASEAN, Milena Rangel, no membru Governu sira seluk no reprezentantes hosi entidades públikas.