Governu felisita komunidade musulmana ba selebrasaun Idul Fitri

IX Governu Konstitusionál felisita komunidade musulmana iha Timor-Leste ba selebrasaun Idul Fitri, ne’ebé marka fulan santu Ramadan nia rohan.

Selebrasaun ida-ne’e maka momentu ida ho signifikadu espirituál no familiár ba musulmanu sira, ne’ebé marka ho orasaun, fahe, no hametin lasu sira solidariedade no konvivénsia nian entre família no komunidade sira.

Idul Fitri fó hanoin kona-ba valór sira hanesan respeitu, perdaun, no koezisténsia armonioza entre kultura no relijiaun oioin, prinsípiu sira ne’ebé reflete diversidade no koezaun sosiedade timoroan nian. REMATA