Primeiru-Ministru Timor-Leste, Kay Rala Xanana Gusmão, sei desloka ba Jakarta, iha loron 22, atu hala’o sorumutu ida ho Prezidente Indonézia nian, Susilo Bambang Yudhoyono hodi asina akordu oin-oin entre país rua nian.
Sorumutu bilaterál entre líder rua ne’e konta mós ho prezensa hosi membru governu sira hosi país rua nian ne’ebé tama iha delegasaun.

Iha loron 22 ida ne’e duni, Primeiru-Ministru sei halo vizita ba sekretariadu Asosiasaun Nasoens Sudeste Aziátiku (ASEAN), hodi hala’o sorumutu ne’ebé marka tiha ona ho Sekretáriu-Jerál Organizasaun Internasionál ne’e nian. Hafoin, sei ba hato’o nia palestra ida iha Universidade Indonézia.
Hosi loron 23 to’o 25 fulan Marsu, Kay Rala Xanana Gusmão sei hola parte iha “Diálogu Internasionál kona-ba Defeza Jakarta nian”.
Primeiru-Ministru sei fila fali mai Timor-Leste iha loron 25 fulan Marsu.