Ministériu Administrasaun Estatál no Ordenamentu Territóriu, liu hosi Sekretáriu Estadu ba Reforma Adminstrativa, Florindo Pereira, liu hosi konferénsia ba imprensa iha salaun konferénsia Ministériu Administrasaun Estatál no Ordenamentu Territóriu nian hateten katak, Governu aloka dólar amerikanu tokon 3,5 ba Fundu Dezenvolvimentu Lokál (FDL) iha tinan 2011.

“Objetivu prinsipál hosi alokasaun orsamentu ne e mak, hamenus kiak liu hosi implementasaun projetu dezenvolvimentu ki’ik sira, liu-liu iha área infrastrutura, edukasaun, no servisu tratamentu saúde nian iha distritu 13 nia laran no aslera promosaun ba prosesu desentralizasaun”, hateten Arcângelo Leite

Projetu ne e hahú iha tinan 2004 nu’udar projetu pilotu iha distritu Bobonaro. To’o tinan 2010 Programa Dezenvolvimentu Lokál kontinua habelar tan ba distritu 13 ho ninia rezultadu mak, konsege estebelese ona Asembleia Lokál no Komisaun Dezenvolvimentu Sub-distritu hodi promove partisipasaun husi komunidade husi kraik (bottom/up).