Toleránsia pontu iha loron 9 fulan Marsu 2011: Kuarta-Feira Sinzas
IV GOVERNO CONSTITUCIONAL
SECRETARIA DE ESTADO DO CONSELHO DE MINISTROS
.............................................................................................................................................
KOMUNIKADU BA IMPRENSA
IV Governu Konstitusionál Timor-Leste deside ona atu fó toleránsia pontu iha loron 9 fulan Marsu 2011, Kuarta-Feira Sinzas, durante loron tomak, ba funsionáriu no ajente hotu-hotu iha ministériu ka servisu sira ne’ebé dependente, nune’e mós hosi institutu no organismu sira ne’ebé integradu iha administrasaun indireta Estadu nian.
Desizaun ida ne’e hatún ho baze ba Lei n.º 10/2005, iha loron 10 fulan Agostu nian, ne’ebé estabelese rejime jurídiku kona-ba loron feriadu, data ofisiál komemorativa no toleránsia pontu, nune’e mós hatún desizaun ne’e tanba Kuarta-Feira Sinzas hanesan loron boot ida ne’ebé importante tebes ba ema kristaun sira.
Kuarta-Feira Sinzas nu’udar loron dahuluk kuaresma nian iha kalendáriu relijaun katólika ne’ebé sei hala’o to’o loron haat nulu nia laran molok tama ba Páskoa no, tinan ne’e, loron Kuarta-Feira Sinzas nian monu iha loron 9 fulan Marsu.
Tanba ne’e, Governu entende fó duni toleránsia pontu, iha loron 9 fulan Marsu, Kuarta-Feira Sinzas, durante loron tomak.
