……………………………………………………………………………………………………………
Loron 26 fulan-dezembru tinan 2025
Komunikadu Imprensa
Governu hato’o parabéns ba Prezidente Repúblika nia aniversáriu
Iha okaziaun aniversáriu Prezidente Repúblika, José Ramos-Horta, Governu Repúblika Demokrátika Timor-Leste, ho laran tomak, hato’o parabéns ba nia.
Portavós Governu no Ministru Prezidénsia Konsellu Ministrus, Agio Pereira, afirma katak “ohin ita selebra legadu no rekoñese kontribuisaun kontínua hosi Xefe Estadu ba konsolidasaun dame, demokrasia no prestíjiu internasionál Timor-Leste nian. Nia mós dezeja ba nia saúde di’ak no susesu iha hala’o ninia funsaun sira, hodi fó benefísiu ba nasaun no povu timoroan”. REMATA