Governu Timor-Leste

Sekretaria Estadu ba Promosaun Igualdade sei komemora loron Internasionál ba Feto, iha loron 8 fulan Marsu. Komemorasaun sei hala’o iha Delta Nova, Comoro, hahú iha tuku 15 to’o tuku 18,30.

Komemorasaun ida ne’e konta ho prezensa Sekretária Estadu ba Promosaun Igualdade, Idelta Rodrigues; Reprezentante Espesiál Sekretáriu- Jerál Nasoens Unidas nian, Ameerah Haq; Prezidente Parlamentu Nasionál, Fernando Lasama Araújo; Vice-Primeiru-Ministru, José Luís Guterres no Prezidente Repúblika, José Ramos-Horta, ne’ebé tuir ordem ida ne’e sira sei hato’o diskursu badak ida.

Iha eventu ida ne’e, sei partisipa mós grupo rua, ida mak Sanggar Uma Lulik ne’ebé sei aprezenta dansa tradisionál sira,no ida seluk mak grupu feto nian ne’ebé sei hananu múzika sira.