Governu Timor-Leste

Primeiru-Ministru Timor-Leste halo vizita ofisiál ba Estadus Unidus Amérika,, Nova Iorke. Husi enkontru no eventu oioin ne’ebé liu husi sidade ida ne’e, mak atu:

• Partisipa iha Forum Investementu Word Harmony Foundation ba Timor-Leste, iha loron 21;
• Partisipa iha Sorumutu Konsellu Siguransa Nasoens Unidas nian,iha loron 22

Primeiru- Ministru to’o iha sidade Nova -Iorke iha loron 25 fulan Fevereiru, ba kapitál Estadus Unidus nian, ne’ebé sei hala’o:

• Sorumutu ho Sekretária Estadu Hillary Clinton
• Sorumutu ho Administradór USAID
• Hasorumalu ho Konsellu Negósiu EUA-ASEAN
• Diskursu iha Universidade John Hopkins, fakuldade Estudu Avansadu

Iha loron 25, Primeiru Ministru sei hala’o vizita ba Havana, Kapitál Kuba, ne’ebé husi sorumutu oioin ne’e sei halo vizita ba fatin istóriku no turístiku, sei halao mós sorumutu ho estudante timor oan sira ne’ebé mak dadaun ne’e hala’o hela estudu iha país ne’ebá.Nune’e mós iha ajenda vizita ba Universidade Medisina Latino –Amerikana no Investigasaun Sientífika.

Iha loron 1 fulan Marsu, Primeiru-Ministru hala’o vizita ba Brazil. Iha Kapitál, Brazília,Kay Rala Xanana Gusmão iha enkontru ida ho Prezidente Repúblika Brazíl nian, Dilma Roussef.

Iha loron 4 fulan Marsu, sei vizita ba São Paulo, ne’ebé sei sai fali iha loron 5 hodi ba Reinu Unido.

Iha loron 6 fulan Marsu, Primeiru-Ministru to’o Londres, ne’ebé sei partisipa iha Forum kona-ba g7+ nian.Husi enkontru oioin ne’ebé mak ajenda tiha ona, sei iha sorumutu ho Sekretáriu koperasaun ba Dezenvolvimentu nian.

Iha loron 8 fulan Marsu Primeiru-Ministru fila hikas mai Timor -Leste, ne’ebé to’o iha loron 12. Delegasaun Ofisiál ne’ebé mak akompaña Primeiru-Ministru mak hanesan:
1. João Câncio Freitas, Ministru Edukasaun ( partisipa vizita ba Kuba no Brazíl)
2. Alberto X.P. Carlos,Vise Ministru Negósiu Estranjéiru nian
3. Francisco Guterres, Sekretáriu Estadu Seguransa