Governu, liu hosi Ministériu Turizmu no Ambiente, sei realiza fórum ida ba investimentu turizmu ne’ebé sei realiza iha loron 25-27 Setembru 2025 iha Sentru Kovensuan Dili (CCD).

Fórum Investimentu Turizmu Timor-Leste 2025 nu’udar estratégia ida atu promove turizmu iha rai-laran.

Fórum ida ne’e sei halibur empresáriu lokal, investidór sira inklui institusaun Governu relevante sira atu:

* Haburas parseria sira ne’ebé dudu krezimentu sustentavél iha turizmu;

* Atrai investimentu no oportunidade negósiu inovativu sira;

* Hatudu Timor-Leste nia produtu no servisu turizmu ne’ebé úniko; no

* Pozisiona nasaun nu’udar destinu turizmu ne’ebé sustentavél no inkluzivu.

Tanba ne’e, keta lakon oportunidade ida ne’e hodi estabelese kontaktu ho parte interessada prinsipál sira, ne’ebé sei hateten hanoin kona-ba paizajen investimentu turizmu nian, no hola parte iha formasaun futuru ekonómiku Timor-Leste nian.