Timor-Leste no Austrália Reforsa Kooperasaun hodi Hametin Kontrolu Fronteiras no Prevene Krime Organizadu

Ministru Interiór, Francisco da Costa Guterres, iha loron 25 fulan-agostu tinan 2025 sai sasin ba asinatura Momerandu Entendimentu ida ne’ebé renova entre Diresaun-Jerál Servisu Migrasaun Timor-Leste no Departamentu Asuntus Internus Austrália, durante serimónia ida-ne’ebé hala’o iha Parlamentu Nasionál Austrália nian, iha Kamberra. 539806215 2268567300270925 8242228126367580805 n 300x199 Timor Leste no Austrália Reforsa Kooperasaun hodi Hametin Kontrolu Fronteiras no Prevene Krime Organizadu 540943808 2268567196937602 6982268305021644029 n 300x199 Timor Leste no Austrália Reforsa Kooperasaun hodi Hametin Kontrolu Fronteiras no Prevene Krime Organizadu 540005933 2268567266937595 5671890861396142577 n 300x199 Timor Leste no Austrália Reforsa Kooperasaun hodi Hametin Kontrolu Fronteiras no Prevene Krime Organizadu 540904693 2268567176937604 4337102902534958578 n 300x199 Timor Leste no Austrália Reforsa Kooperasaun hodi Hametin Kontrolu Fronteiras no Prevene Krime Organizadu

Memorandu ne’e asina husi Diretora-Jerál Servisu Migrasaun, Superintendente-Adjunta Polísia Adelaide da Rosa no Sekretária-Jerál Departamentu Asuntus Internus Austrália nian, Stephanie Foster, iha prezensa Ministru Asuntus Internus Austrália nian, Tony Burke.

Akordu ida-ne’e ho objetivu atu hametin kooperasaun bilaterál iha área migrasaun nian, liuliu iha fortalesimentu jestaun fronteiras no kombate krime organizadu, iha tempu hanesan atu promove kapasitasaun rekursus umanus ba instituisaun rua ne’e nian.

Renovasaun ba Memorandu ne’e refleta kontinuasaun parseria estratéjika entre Timor-Leste no Austrália, hodi subliña kompromisu ne’ebé partilla ona atu garante seguransa no efisiénsia ne’ebé boot liu iha sistema migrasaun no kontrolu fronteiras nian.

url: https://timor-leste.gov.tl?lang=tp&p=45000