Governu aprova Ajuda Finanseira ba Austrália tanba Inundasaun
IV GOVERNO CONSTITUCIONAL
SECRETARIA DE ESTADO DO CONSELHO DE MINISTROS
.............................................................................................................................................
KOMUNIKADU BA IMPRENSA
Sorumutu Konsellu Ministru 14, fulan Janeiru 2011
Konsellu Ministru hala’o Sorumutu estraordináriu iha Sesta-feira ida ne’e, loron 14, fulan Janeiru 2011, iha Palásiu Governu, iha Díli, no aprova ona:
1. Rezolusaun ne’ebé aprova Ajuda Finanseira ba Austrália tanba Inundasaun
Tanba inundasaun ne’ebé afeta Austrália, liu-liu Estadu Queensland, Konsellu Ministru, ho aktu solidariedade, fraternidade no apoiu ba povu no autoridade país ne’ebá nian, aprova ona atu fó ajuda finanseira ho valór dolar amerikanu rihun atus lima, hodi ajuda ultrapasa materiál no ema sira ne’ebé mak lakon no mate.
