Governu Hato’o Solidariedade ho Repúblika Populár Xina Hasoru Inundasaun Iha Provínsia Gansu
Prezidénsia Konsellu Ministrus
Portavós Governu Timor-Leste
IX Governu Konstitusionál
...........................................................................................................................
Loron 15, fulan-agostu, tinan 2025
Komunikadu Imprensa
Governu Espresa Solidariedade ho Repúblika Populár Xina ba Inundasaun iha Provínsia Gansu
Governu Timor-Leste hato’o nia solidariedade kle’an ba Governu no povu Repúblika Populár Xina nian, liuliu komunidade sira hosi Provínsia Gansu, ne'ebé afeta hosi udan boot no inundasaun ne'ebé akontese iha loron 7 no 8 fulan-agostu tinan 2025, halo ema mate, ema lakon, no mós destruisaun ba infraestrutura no meius subsisténsia sira.
Ministru Prezidénsia Konsellu Ministrus no Portavós Governu nian, Agio Pereira, espresa "kondolénsia profunda ba ema mate ne’ebé trájiku no difikuldade boot ne'ebé komunidade sira hosi Provínsia Gansu nian hasoru iha tempu susar no provasaun ida-ne'e". Nia hatutan tan katak "ami-nia hanoin hamutuk ho vítima sira no sira-nia família, no ami rekoñese esforsu eroiku hosi ekipa salvamentu no hosi profisionál sira hotu ne'ebé kontinua tulun populasaun sira ne'ebé afetadu hosi katástrofe ida-ne'e". REMATA
