Vice-Ministru Negósius Estranjeirus, Alberto Carlos, ne’e be reprezenta Ministru Negósius Estranjeirus, Zacarias da Costa, asina ona iha semana kotuk kontratu ba konstrusaun Sentru de Estudu Diplomátiku (SED).

Sentru de Estudu Diplomátiku sei harii iha duni fatin “kuarteiraun” Ministériu Negósius Estranjeirus nian tanba rezerva tiha ona fatin ida ba fin ida ne’e.

Konstrusaun ba edifisiu, ne’ebé oferese hosi Governu Xinés, empreza IPPR, hosi Repúblika Populár Xina, mak sei responsabiliza no, iha fulan Abril tinan oin sei haruka ekipa tékniku sira atu halo avaliasaun iha terrenu.

Iha instalasaun SED sei hala’o formasaun ne’ebé di’ak ba diplomata timór-oan sira, atu nune’e sira bele serví intereses Timor-Leste nian hosi diplomasia.

Alberto Carlos, iha nia diskursu, hateten: “Hau asina contratau ne’e ho laran kontente tebes, tanba rezultadu sei permiti atu hadi’a liutan kualidade formasaun ba ita nia diplomata sira.”