Gravasaun ba programa “Pájina Governu” edisaun da-13 realiza iha dadeer loron 23 fulan-juñu tinan 2025, ho partisipasaun hosi Sekretáriu Estadu Kooperativas, Arsénio Pereira da Silva, iha estúdiu ne’ebé instala iha Palásiu Governu. Transmisaun ne’e iha tempu badak sei fó-sai hosi Rádiu no Televizaun Timor-Leste (RTTL) no divulga iha mídia nasionál, no mós iha rede sosiál sira. 
Durante entrevista, Sekretáriu Estadu Kooperativas ko’alia kona-ba prioridade estratéjiku sira Governu nian ba setór refere, kontribuisaun kooperativas iha kriasaun empregu no hametin ekonomia lokál sira. Diskute mós medida sira ne’ebé planeia ona atu hadi’a asesu ba finansiamentu, moderniza infraestrutura lojístika sira no hametin formasaun ba membru sira, ho hanoin atu garante sustentabilidade no kreximentu setór nian.
Iha edisaun “Página do Governo” ida-ne’e ko’alia mós kona-ba kontribuisaun hosi kooperativas ba promosaun turizmu sustentável, prezervasaun rekursu naturál sira no valorizasaun ba identidade kulturál timoroan nian, nune’e mós dezafiu prinsipál sira ne’ebé setór ne’e hasoru no vizaun Governu nian ba nia dezenvolvimentu to’o mandatu remata. 
“Página do Governo” hanesan inisiativa ida ne’ebé promove husi Gabinete Portavós, ne’ebé lidera husi Ministru Prezidénsia Konsellu Ministrus no Portavós Governu, Agio Pereira, iha parseria ho RTTL. Programa ne’e konta ho Nélia Chaves hanesan aprezentadora, Ika Moniz hanesan produtora ezekutiva no iha apoiu tékniku hosi ekipa mídia sira Gabinete Primeiru-Ministru nian, Gabinete Portavós no hosi Gabinete membru Governu ne’ebé hetan entrevista. Ninia objetivu maka hametin transparénsia no prosimidade entre Ezekutivu no populasaun, atu nune’e bele permite ema hotu-hotu akompaña, ho dalan asesivel no informadu, asaun prinsipál sira no polítika públika sira ne’ebé la’o hela.
Atu haree epizódiu anteriór sira husi “Página do Governo” ne’ebé fó-sai tiha ona, hanehan iha link sira tuirmai:
- Ministru Obras Públikas, Samuel Marçal – https://www.youtube.com/watch?v=YzgPqD0tU7c
- Ministru Administrasaun Estatál, Tomás do Rosário Cabral -https://www.youtube.com/watch?v=SSSO60y0Bjw
- Ministru Planeamentu no Investimentu Estratéjiku, Gastão Francisco de Sousa -https://www.youtube.com/watch?v=hooyotfMkrk
- Ministru Negósius Estranjeirus no Kooperasaun, Bendito dos Santos Freitas -https://www.youtube.com/watch?v=PIp8kTaXUAA
- Vise Primeiru Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino -https://www.youtube.com/watch?v=rYMdrKwizLE
- Sekretáriu Estadu Asuntus Toponímia no Organizasaun Urbana, Germano Santa Brites Dias -https://www.youtube.com/watch?v=wvQwW5JSaYo&t=24s