Festivál Nasionál Desportu no Desportu Komunitáriu
Husi 26 nov toó 04 dez
Sekretaria Estadu Juventude no Desportu sei realiza Festivál Nasionál no Desportu Komunitáriu iha loron sia nia laran, hahú hosi loron 26 to’o loron 4 fulan Dezembru 2010.
Serimónia abertura ba Festivál Nasionál Desportu, ne’ebé sei diriji hosi Sekretáriu Estadu Juventude no Desportu, ne’e sei hala’o iha loron 26 fulan Novembru 2010, tuku 16.30 Otl, iha Estádiu Munisipál Dili.
Modalidade sira ne’ebé atu halo kompetisaun iha Festivál Nasionál Desportu no Desportu Komunitáriu mak hanesan futeból (mane), basketeból (mane no feto), voliból (mane no feto), atlétiku ba distánsia metru 400 no metru 800 ba atleta nain rua.
Partisipante sira iha eventu ne’e mai hosi sub-distritu 65 iha Timór laran tomak.
