Kampaña Kontra Violénsia Hasoru Feto
Sekretária Estadu ba Promosaun Igualdade (SEPI) hala’o programa kona-ba kampaña loron 16 ativismu (25 Novembru- 10 Dezembru 2010) kontra Violénsia Hasoru Feto “Lei kona-ba Kontra Violénsia Doméstika: Proteje Ha’u, Proteje Hau nia Familia”.
Serimónia abertura sei hala’o iha Kampu Alegria, Eskola Primária Katólika Distritu Baucau, iha loron 25 fulan Novembru 2010 oras 09:00 OTL to’o remata.
Atividade kampaña nian durante loron 16 mak hanesan treinamentu sosializasaun kona-ba lei kontra violénsia doméstika, ne’ebé sei hala’o iha Distritu Baucau, Manatuto, Dili, Aileu, Ermera, Liquiça, Bobonaro, Covalima, Ainaro, Manufahi, Lautem no Viqueque hahú hosi loron abertura nian to’o loron 10 fulan Dezembru tinan 2010. Aleinde atividade sosializasaun kona-ba Lei kontra Violensia Dómestika, Lei n.º7/2010 loron 7 fulan Jullu, iha mós atividade diálogu no semináriu.
