Konsellu Diretivu no Fiskál Úniku Imprensa Nasionál Timor-Leste, IP nian Simu Posse

Ohin, loron 21 fulan-fevereiru tinan 2025, Ministru Prezidénsia Konsellu Ministrus, Agio Pereira, prezide serimónia fó pose ba Prezidente no Vogais Konsellu Diretivu no Fiskál Úniku Imprensa Nasionál Timor-Leste, IP (INTL, IP) nian. Eventu ne’e hala’o iha Palásiu Governu, Dili.  Konsellu Diretivu no Fiskál Úniku Imprensa Nasionál Timor Leste, IP nian Simu Posse

Sira ne’ebé simu pose maka Jaime Fernando dos Mártires Carvalho, ne’ebé ninia kargu nu’udar Prezidente Konsellu Diretivu INTL, IP hetan renovasaun, Pedro Sarmento, nomeadu ba kargu Vogál no Vise-Prezidente, António Marcos Alves, nomeadu nu’udar Vogál Konsellu Diretivu, no Nelson Maria dos Santos Menezes, nomeadu nu’udar Fiskál Úniku ba entidade ne’e.

Serimónia ne’e hahú ho leitura Rezolusaun Governu no Despaxu Nomeasaun ba membrus foun Diresaun INTL, IP nian, tuir fali ho kompromisu onra ba sira ne’ebé simu no asina Termu Pose. Iha okaziaun ne’e, Prezidente INTL, IP, reprezenta sira ne’ebé simu pose, hato’o agradesimentu, hodi reforsa ekipa nia kompromisu atu serbí Estadu ho dedikasaun no profisionalizmu.

Renovasaun mandatu Prezidente Konsellu Diretivu ne’e bazeia ba Rezolusaun Governu n. 4/2025, loron 24 fulan-janeiru, ne’ebé destaka kompeténsia, imparsialidade no esperiénsia Jaime Fernando dos Mártires Carvalho nian hodi lidera instituisaun ne’e. Rezolusaun ne’e subliña katak “Prezidente atuál Konsellu Diretivu Imprensa Nasionál nian plenamente artikula no aliña ho objetivus tutela nian ba dezenvolvimentu servisu ida-ne’e no hatudu ona kompeténsia exelente, imparsialidade no apartidarizmu nu’udar funsionáriu públiku”.

Iha kompromisu onra ne’ebé hato’o durante serimónia ne’e, Prezidente INTL, IP deklara “atu hakru’uk ba Konstituisaun no leál ba Estadu no Governu hodi hala’o [sira-nia] knaar (…), hala’o funsaun ofisiál ho izensaun, dedikasaun no responsabilidade nomós tau nafatin iha konsiderasaun loloos interese Estadu, Programa Governu no valores funsaun públika nian.”  Konsellu Diretivu no Fiskál Úniku Imprensa Nasionál Timor Leste, IP nian Simu Posse

Iha ninia diskursu, Ministru Prezidénsia Konsellu Ministrus salienta importánsia INTL nian “iha divulgasaun aktus ofisiais no produsaun dokumentus ho importánsia aas ba Estadu no sidadaun sira” no afirma katak “momentu ida-ne’e marka kompromisu ita hotu ne’ebé serbisu iha-ne’e, Governu, ho modernizasaun no fortalesimentu husi entidade ida-ne’e, ne’ebé esensiál ba komunikasaun ofisiál no dezenvolvimentu ba ita-nia rain”.  Konsellu Diretivu no Fiskál Úniku Imprensa Nasionál Timor Leste, IP nian Simu Posse

Ministru subliña nesesidade atu kontinua investe iha kapasitasaun rekursus umanus instituisaun nian, “kapasita sira ho kompeténsia nesesária atu hasoru dezafius hosi setór ida-ne’e nian ne’ebé evolui beibeik, foka ba beibeik iha dijitál”.

Governante ne’e mós espresa “konfiansa tomak iha kapasidade no kompeténsia Konsellu Diretivu  no Fiskál Úniku nian, ne’ebé ohin simu pose, atu lidera transformasaun ida-ne’e no hasa’e instituisaun ida-ne’e ba nivel exelénsia foun ida.”  Konsellu Diretivu no Fiskál Úniku Imprensa Nasionál Timor Leste, IP nian Simu Posse

Ikus liu, Agio Pereira reafirma “kompromisu atu serbisu ho determinasaun, ho membrus foun Diresaun INTL nian, hodi halo Imprensa Nasionál Timor-Leste sai referénsia ida kualidade, inovasaun no servisu públiku.”

Serimónia ne’e hetan partisipasaun husi Sekretáriu Estadu Komunikasaun Sosiál, Expedito Dias Ximenes, Komisáriu hosi Komisaun Funsaun Públika, Fausto Freitas da Silva, Inspetór-Jerál Estadu, Francisco de Carvalho, Diretór-Jerál Administrasaun Prezidénsia Konsellu Ministru, Pedro Feno no Xefe Gabinete  Ministru Prezidénsia Konsellu Ministrus nian, Victor Maia, no mós dirijente no funsionáriu sira  Prezidénsia Konsellu Ministrus nian.  Konsellu Diretivu no Fiskál Úniku Imprensa Nasionál Timor Leste, IP nian Simu Posse  Konsellu Diretivu no Fiskál Úniku Imprensa Nasionál Timor Leste, IP nian Simu Posse  Konsellu Diretivu no Fiskál Úniku Imprensa Nasionál Timor Leste, IP nian Simu Posse  Konsellu Diretivu no Fiskál Úniku Imprensa Nasionál Timor Leste, IP nian Simu Posse  Konsellu Diretivu no Fiskál Úniku Imprensa Nasionál Timor Leste, IP nian Simu Posse

url: https://timor-leste.gov.tl?lang=tp&p=41947