Iha loron 20 Outubru, Loron Mundiál Estatístika nian, Prezidente José Ramos-Horta halo lansamentu ofisiál kona-ba rezultadu preliminár hirak hosi Resenseamentu Populasaun no abitasaun 2010 nian. Ho prezensa hosi Primeiru-Ministru, hosi Ministru no Sekretariu Estadu sira, hosi Reprezentante Nasionál Fundu Populasaun Nasoens Unidas nian (lian badak tuir inglés UNFPA), hosi parseiru dezenvolvimentu nasionál no internasionál nian sira, hosi diplomata sira no hosi jornalista barak, mak José Ramos-Horta anunsia tiha ona katak totál populasaun Timor-Leste nian hamutuk 1,066,582.
Númeru ida ne’e reprezenta populasaun aumenta 2.41% hosi resenseamentu ida ikus, ne’ebé hala’o iha 2004. Aumentu ida ne’e neineik liu duké tuir ita nia planu iha 2004 (3.2% kada tinan) maibé sei sai ás liu iha rejiaun Sudeste Aziátiku no Pasífiku.
Konkluzaun interesante ida seluk ne’ebé bele hetan hosi rezultadu preliminár hirak hosi resenseamentu ne’e mak populasaun Distritu Dili nian sa’e besik untersu (ida-fahe-tolu), hosi ema na’in 175,730 ba ema na’in 241,331, hahú hosi tinan 2004. Maske nune’e, barak liu mak hanesan, 70.4% hosi populasaun timor nia hela nafatin iha zona rurál sira.
Primeiru-Ministru Xanana Gusmão salienta importánsia hosi rezultadu hirak resenseamentu nian ba Planu Estratéjiku Dezenvolvimentu Nasionál ”no ba polítika hirak ne’ebé mak atu dezenvolve país ne’e. Bainhira halo planu kona-ba ita nia povu iha tinan ruanulu oin mai, ita tenke hatene ita nia ema hira, ita ne’e sé, ita moris iha ne’ebé no oinsá ita moris oras ne’e nian, ita servisu saida, tipu kultura saida mak ita kuda no edukasaun saida mak ita iha. Halo tiha ida ne’e mak ita foin bele hili prioridade hirak sensivel liu no halo planu hirak realista. Tande’it kolaborasaun di’ak hosi ema hotu ne’ebé moris iha ne’e, mak ita oras ne’e bele ona hatur loloos buat ne’ebé atu ita halo, no imi fiar ba katak ita sei bele hala’o!”. Iha Abril 2011 sei hato’o relatóriu ida detalladu liu kona-ba resenseamentu ho informasaun kona-ba númeru indikadór demográfiku no sósiu-ekonómiku hirak luan liu.
Rezultadu Preliminár hosi Resenseamentu Populasaun no abitasaun 2010 nian
Totál Populasaun: 1,066,582/ (iha 2004: 923,198)
Aumentu hahú hosi 2004: 15.5% (ema na’in 143,384)
Taxa anuál aumentu populasaun nian: 2.41%
Mane: 541,147
Feto: 525,435
Populasaun distritu Díli: 234,331 (aumenta ba 33.3% hosi 2004)
Distritu tolu ne’ebé populasaun boot liu: Díli, Baucau no Ermera (populasaun 43%)
Distritu tolu ne’ebé populasaun menus liu: Manatuto, Aileu, Manufahi (populasaun 13%)
Proporsaun feto-ho-mane: 103 (kada feto na’in 100 iha Timor-Leste, bele hetan mane na’in 103).
Média hosi ema sira ne’ebé moris hamutuk iha familia ida nia laran: 5.8
Proporsaun hosi populasaun ne’ebé hela iha zona rurál sira: 70.4%
Média hosi ema sira hela iha kada kilometru kuadradu (densidade populasaun nian): 71.5
Tempu atu duplika populasaun (ho taxa atuál aumentu nian): tinan 29
Númeru aprosimadu hosi ema sira servisu iha projetu resenseamentu nian: 4,100
Populasaun distritu ida-ida iha 2004 to’o 2010
|
Distritu |
Populasaun |
|
|
|
2004 |
2010 |
|
Aileu |
37,967 |
45,512 |
|
Ainaro |
52480 |
59,382 |
|
Baucau |
100,748 |
111,484 |
|
Bobonaro |
83,579 |
89,787 |
|
Covalima |
53,063 |
60,063 |
|
Díli |
175,730 |
234,331 |
|
Ermera |
103,322 |
114,635 |
|
Lautem |
56,293 |
60,218 |
|
Liquica |
54,973 |
63,329 |
|
Manatuto |
36,897 |
43,246 |
|
Manufahi |
45,081 |
48,894 |
|
Oecusse |
57,616 |
65,524 |
|
Viqueque |
65,449 |
70,177 |
|
Total |
923,198 |
1,066,582 |
Sentru urbanu ne’ebé populasaun barak liu:
Díli: 193,563
Baucau: 20,362
Maliana: 15,800
Sub-distritu ne’ebé populasaun barak liu:
Dom Aleixo (Díli): 105,328 (populasaun besik 10%)
Cristo Rei (Díli): 55,195
Baucau: 46,530
Pante Macasar (Oe-cusse Ambeno): 35,159
Vera Cruz (Díli): 34,085
Sub-distritu ne’ebé populasaun menus liu:
Fatululic (Covalima): 1,894
Soibada (Manatuto): 3,051
Laleia (Manatuto): 3,470
Fatumean (Covalima): 3,667
Tutuala (Lautem): 3,847