Governu Timor-Leste

Governu, hó inisiativa hosi Presidénsia Repúblika, kolabora iha Festivál Kultura Ramelau 2010, ho ninia atividade sira sei realiza hosi loron 27 to’o loron 29 fulan Outubru, iha Ramelau.
Festivál ne’e ninia objetivu mak promove kultura no turizmo País ne’e nian, hodi lori, hosi distritu sanulu resin tolu ne’ebé nia iha, amostra identidade ida-idak, ne’ebé hamutuk harii identidade Timor-Leste nian.

Sekretaria Estadu Kultura (SEK) hosi Ministériu Edukasaun (ME), Ministériu Administrasaun Estatál no Ordenamentu Territóriu (MAEOT), Ministériu Turizmu, Komérsiu no Indústria (MTKI), Sekretaria Estadu Obras Públikas (SEOP) hosi Ministériu Infrastruturas nian (MIE), Ministériu Saúde (MS), Sekretaria Estadu Juventude no Desportu, RTTL, PNTL no F-FDTL kolabora hodi organiza eventu ne’e iha kestaun téknika, iha apoiu ba infraestrutura no iha lojístika, molok no durante eventu ne’e la’o.
Tuir organizasaun ne’ebé iha, Sub-distritu Hatobuilico, distritu Ainaru, prepara ona atu simu vizitante sira festivál ne’e nian ho alojamentu ho tipu oi-oin, infraestrutura atu fakulta komunikasaun nomós postu saúde nian ida ho kedan ninia ekipa médika.

Festivál Kultura Ramelau ninia programa mak hanesan tuir mai ne’e:

Loron Kuarta, 27 fulan Outubru

Tk 09.30 – tk 10.30
Inaugurasaun ba projetu Eskada Ramelau nian

Tk 18.00 – tk 18.30
Rituál kulturál hosi lia-nain sira, ne’ebé reprezenta distritu 13

Tk 18.30 – tk 19.30
Abertura “Festivál Kulturál Ramelau 2010”

Hosi tk 19.30
Interpretasaun musikál dansa hosi grupu kulturál hosi distritu 13 no hosi grupu konvidadu espesiál

Loron Kinta, 28 fulan Outubru

Hosi tk 16.00
Interpretasaun musikál no dansa hosi grupu kulturál hosi distritu 13 no hosi grupu konvidadu espesiál

Loron Sesta, 29 fulan Outubru

Tk 16.00 – tk 20.00
Interpretasaun musikál no dansa hosi grupu kulturál hosi distritu 13 no hosi grupu konvidadu espesiál

20.00h – 21.00h
Anúnsiu no entrega prémiu ba klasifikadu sira

Hosi tk 21.00
Sesaun enseramentu nian