Governu Timor-Leste ne’ebe reprejenta husi Ministra Finansas, Santina Cardoso, asina nota Subvensaun ba projetu hadia rejiliensia rural no vida moris, iha Munisipiu Manatuto.

Iha serimonia asinatura ne’e Vice Primeiro Ministro, Ministro Coodernador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino mak sai sasin no projetu refere sei implementa husi Ministerio do Desenvolvimento Rural e Habitação Comunitária, ne’ebe superviziona no avalia husi ADB. 

Iha Serimonia Vise-Primeiru Ministru, reprejenta IX Governu Konstitusionál agradese ba ADB ne’ebe organiza duador sira hodi apoiu Timor-Leste.

Prosesu ne’e la’o kleur loos ona maibe foin bele asina nota ne’ebe diretores husi instituisaun oin-oin sai sasin.

“Agradese tebes ba ADB no Embaixador Japaun, ne’ebe ho komitmentu organiza duador sira apoiu Timor-Leste la’os foin maibe hahu kedas ita ukun an to’o ohin loron sei kontinua,” dehan V-PM.

Enkuantu orsamentu subvensaun ne’ebe tau asina entre Governu Timor-Leste no ADB Timor-Leste hamutuk millaun $16 ne’ebe sei investe iha Munisipiu Manatutu durante tinan lima (5), iha area infraestrutura bazika liu-liu bee-moos, Agrikultura, no sira seluk tan. 

Partisipa iha eventu ne’e @Ministra Finansas, Santina Casdoso, Country Director ADB iha Timor-Leste, Stefania Dina , Embaxador Japaun iha Timor-Leste, Kimura Tetsuya, Embaixador Ambiental, Xefe Gabinete MDRHC, Diretor Jeral MDRHC no konvidadus onradu sira seluk tan.