Ministériu Turismu Komersiu no Industria (MTKI) sei hala’o Semináriu iha sentru konferensia Eis Merkadu Munisipal, Díli, husi loron 19 to’o 20 Outubru, oras 8.30 to’o 17.30 ho Tema “Haforsa Seitór Privadu ba Dezenvolvimentu Ekonomia Timor-Leste”.

Tema hirak atu koalia mak hanesan: papel Unidade Risku no Kontrolu Operasionál nian, saude ambientál, papel Direksaun Nasional Alfandega no Direksaun Nasionál Meiu-ambiente nian, Unidade Metrolojia no Estandadizasaun no Kamara Komersiu no Industria.