Toleránsia Pontu iha loron 31 fulan-outubru tinan 2024
Em 2024-10-31
Konsellu Ministrus, iha sorumutuk husi loron 31 fulan-outubru, deside hodi fó toleránsia pontu iha loron 31 fulan-outubru tinan 2024, ne’ebé konsidera katak iha loron 1 no 2 fulan-novembru selebra Loron Santu sira Hotu nian no Loron Matebian sira hotu nian, data sira ho importánsia boot ba komunidade katólika no prevee ona hanesan feriadu nasionál tuir Lei n. 3/2016, loron 25 fulan-maiu. Desizaun ida-ne’e ho objetivu atu fasilita movimentu populasaun nian ba sira-nia rai moris fatin, hodi permite sira atu partisipa iha selebrasaun relijioza sira ne’e.
