Hosi loron 15 to’o loron 19 Outubru sei loke ba públiku, III Feira FIAR (Feto iha Servisu Ba An Rasik) nian, ho objetivu atu promove feto rurál sira nia badinas no hakbiit-an hodi harii empregu ba nia an rasik. Feira ne’e sei hala’o iha Jinájiu Universidade Nasionál Timor Lorosa’e nian no sei hahú iha tuku 17 oras TL.

III Feira FIAR ne’e nu’udar organizasaun ida hamutuk ho MED (Ministériu Ekonomia no Dezenvolvimentu) liu hosi IADE (Institutu Apoiu ba Dezenvolvimentu Emprezariál) ho SEPI (Sekretaria Estadu Promosaun Igualdade) no SEFOPE (Sekretaria Estadu Formasaun Profisionál no Empregu). IADE halibur-an ba inisiativa ida-ne’e atu bele promove empregu ba Feto, liu husi kapasitasaun téknika no jestaun negósiu nian ba ema emprezáriu sira no hodi fasilita asesu empreza ki’ik no médiu sira ba iha merkadu.
Feto besik 50 mak sei hatudu, iha Feira ida-ne’e, produtu hirak ne’ebé mak sira dezenvolve hanesan hena tais, ai-moruk tradisionál, produtu agríkola nian sira no seluk-seluk tan.