Governu, liuhosi Ministériu Asuntu Kombatentes Libertasaun Nasionál, lansa programa hodi valida rejistu sira hosi frente esterna/diplomátika durante luta libertasaun nasionál. Inisiativa ida-ne’e hakarak rekoñese, dokumenta no fó onra ba kontribuisaun boot hosi frente diplomátika iha rezisténsia hasoru okupasaun indonézia, prezerva memória istórika no destaka esforsu hosi timoroan sira ne’ebé atua iha senáriu internasionál hodi favorese independénsia.