Ministériu Finansas, liuhusi lideransa Ministra Santina José Redrigues F. Viegas Cardoso, iha loron 16 fulan-setembru tinan 2024, iha Auditóriu Kay Rala Xanana Gusmão, hala’o  serimónia aprezentasaun ekipa foun jestaun nian ba períodu tinan 2024-2028, ho tema “Forma paronama finanseiru Timor-Leste nian ba susesu sustentavel”. Eventu ida-ne’e marka faze importante ida iha reorganizasaun no fortalesimentu ba estrutura finanseira país nian. 

Serimónia ne’e marka prezensa husi Primeiru-Ministru, Kay Rala Xanana Gusmão, ne’ebé iha nia diskursu, destaka importánsia husi serimónia ida-ne’e atu hadi’a sistema finanseiru nasionál, no subliña katak fortalesimentu kapasidade jestaun no korresaun ba prosedimentu sira ne’e esensiál atu garante sustentabilidade ekonómika Timor-Leste nian. Xefe Governu realsa mós papél sentrál husi ekipa ida-ne’e iha promosaun jestaun públika ida ne’ebé efisiente liu, no foka ba transparénsia no responsabilidade. 

Durante eventu ne’e, dirijente sira ne’ebé simu pose asina akordu dezempeñu nian, hodi kompromete atu halo-tuir meta estratéjika sira ne’ebé Governu define ona  no hato’o relatóriu regular kona-ba ninia progresu. Akordu ida-ne’e ho objetivu atu hametin efisiénsia no kualidade servisu ne’ebé presta ba populasaun, hodi promove jestaun apropriadu ba rekursu públiku sira. 

Tuir Rezolusaun Governu N. 48/2024, loron 6 fulan-setembru, Joanico Pinto ofisialmente simu pose nu’udar Komisáriu foun ba Autoridade Aduaneira. Iha ninia diskursu simu posse, Komisáriu foun ne’e destaka prioridade prinsipál sira ba ninia mandatu, ne’ebé inklui hametin operasaun terrestre, promove kultura institusionál ne’ebé foka ba efisiénsia no efikásia, no hametin relasaun kooperativa ho instituisaun sira seluk Estadu nian hodi garante kontrolu ba fronteira no protesaun hasoru atividade ilegál sira. Joanico Pinto destaka mós importánsia atu maximiza kobransa reseita ba Estadu no nesesidade ba prosesu rekrutamentu foun ida hodi prienxe lakuna sira ne’ebé identifika ona iha estrutura Autoridade Aduaneira nian. Komisáriu foun ne’e mós fó omenajen ba nia antesesór, José António Fátima Abílio, ne’ebé hakotu iis (mate ona) iha fulan-maiu, no kompromete atu kontinua nia legadu. 

Durante serimónia, fó pose ba dirijente sira tuirmai: Regina de Jesus de Sousa nu’udar Diretora-Jerál Tezouru, Timótea Pompeia Marques nu’udar Diretora-Jerál  Jestaun Patrimóniu Estadu, Arlindo da Cruz Monteiro nu’udar Diretór-Jerál Unidade  Monitorizasaun no Avaliasaun Dezempeñu, Martinho Lopes nu’udar Diretór-Jerál Sentru Kapasitasaun no Estudus Finansas Públikas, Veneslau Quintão Guterres nu’udar Diretór-Jerál  Unidade Sistema Integradu Informasaun Jestaun Finanseira, Fernando Manuel Ribeiro no Francisco da Silva nu’udar Diretór-Jerál  Jestaun no Mobilizasaun Rekursus Externus, Ernesto da Conceição Silva nu’udar Inspetór Jerál, João Maria do Rosário Lima nu’udar Diretór Nasionál Administrasaun no Jestaun Arkivu, Evangelina de Fátima Aparício Guterres nu’udár Diretora Nasionál  Aprovizionamentu no Jestaun Kontratus, Regina da Conceição Martins Costa nu’udar Diretora Nasionál Finansas, Domingos Marques nu’udar Diretór Nasionál Lojístika, Manutensaun no Jestaun Projetus, Cesario Martins nu’udar Diretór Nasionál Rekursus Umanus, Natercia de Jesus Barreto nu’udar Diretora Nasionál Planeamentu, Orsamentu no Avaliasaun Dezempeñu, Maria Eurosia Ramlah Ferreira Amaral nu’udar Diretora Nasionál Jestaun Tezouraria no Dívida Públika,  Lídia de Sousa Guterres nu’udar Diretora Nasionál Kontabilidade no Normalizasaun Kontabilístika, Nenik Maria Imaculada Ximenes nu’udar Diretora Nasionál Pagamentu no Administrasaun Dotasaun Jerál Estadu, Eduk da Maía nu’udar Diretór Nasionál Monitorizasaun no Desentralizasaun Finanseira,  Amilton Soares Amaral Lemos nu’udar Diretór Nasionál Planeamentu, Salomão Yaquim nu’udar Diretór Nasionál Orsamentu, Ilce Maria Alexandra da Cunha Magno nu’udar Diretora Nasionál Polítika no Mobilizasaun Empréstimus, Sitalina Maria das Dores Amaral Tilman nu’udar Diretora Nasionál Parserias Públiku-Privadas, Bendita Lobo Miranda nu’udar Diretora Nasionál Polítika, Jestaun no Inventáriu Patrimóniu Estadu,  Edmundo Bianco da Silva Soares nu’udar Diretór Nasionál Jestaun Veíkulus Estadu, Cipriano do Rosário Pereira nu’udar Diretór Nasionál Alineasaun Beins Móveis e Azeca Monteiro Oliveira nu’udar Sub-Inspetór Jerál.

Ekipa dirijentes Ministériu Finansas nian ba períodu hosi tinan 2024 to’o 2028 iha misaun atu hametin jestaun finanseira Timor-Leste nian, garante kumprimentu ba polítika públika no utiliza rekursu nasionál sira ho efisiente.