TIMOR GAP, E.P. anunsia iha loron 16 fulan-setembru tinan 2024 akontesimentu signifikativu ba ninia estratégia kresimentu. Hafoin negociasaun ho Joint Venture Bayu-Undan, TIMOR GAP negosia ho susesu no asina ona akordu ida atu hetan interese partisipativu iha Joint Venture Bayu-Undan.

Asinatura formal ba Escritura ba Venda no Kompra (SPD) entre TIMOR GAP no Joint Venture Bayu-Undan ohin halá’o ona iha Díli, Timor-Leste. Tuir akordu ne’e, TIMOR GAP sei hetan interese partisipativu 16% iha projetu Bayu-Undan, ho data ekonomika efetiva ida iha loron 1 Julho 2024. Parseiru konjuntu sira seluk mak Santos (operador) ho 36.5%, SK E&S ho 21%, INPEX ho 9.6%, ENI 9.2% no Tokyo Timor Resources ho 7.7%. 

Akordu ida-ne’e subliña TIMOR GAP nia papel nu’udar kompañia nasional mina-rai no gás Timor-Leste nian. Liu husi integrasaun patrimóniu produsaun ida-ne’e iha nia portfolio, TIMOR GAP hametin nia pozisaun iha setór enerjia no haluan nia espasu operacional.

Kampu Bayu-Undan, ne’ebé hahú produsaun iha tinan 2004, kontinua produz gás naturál no likidu sira iha nivel ekonomia viavel, ho Joint Venture foin lalais ne’e assegura estensaun hitu ba kontratu fahe produsaun (PSC), ne’ebé permite produsaun kontinua to’o tinan 2026 nia klaran. Estensaun ida-ne’e garante viabilidade sustentável projetu nian no reforça poténsia ba ativu Bayu-Undan iha futuru.

TIMOR GAP tama iha Joint Venture Bayu-Undan hasa’e nia kapasidade atu kontribui ba setór enerjia nasionál no ekonomia. Empreza ne’e hein atu hetan kolaborasaun produtivu ho Santos no nia parseiru empreza konjuntu sira seluk iha faze kresimentu ida-ne’e.