Aniversáriu FALINTIL nian ba dala 49
Selebrasaun aniversáriu FALINTIL nian ba dala 49 sei hala’o iha loron 19 no 20 fulan-Agostu, tinan 2024, ho tema “Selebra loron 20 fulan-Agostu ne’e selebra FALINTIL nia luta, ne’ebé la diferente, maibé ida de’it. Ida-ne'e maka tempu ba reflesaun no mudansa!”
Iha loron 19, tuku 7 dadeer, sei iha misa agradesimentu iha Igreja Motael, tuir mai tau ai-funan iha Jardin Herois, iha Metinaro.
Iha loron 20, aniversáriu FALINTIL nian, iha tuku 8:30 dadeer, serimónia militár sira hahú iha kuartél-jerál F-FDTL, ho bainaka sira-nia to’o no formasaun forsa sira-nian.
Iha tuku 9 dadeer, Prezidente Repúblika no Komandante Supremu Forsa Armada, José Ramos-Horta, sei marka prezensa iha serimónia solene, tuir kedas ho onra militár iha tuku 9:45 dadeer.
Iha tuku 10 dadeer, Padraun Nasionál sei integra iha Forsa sira iha Parada, tuir fali ho omenajen hodi hanoin Erói Nasionál sira ne’ebé monu ba Pátria, inklui minutu silénsiu no orasaun hodi hanoin hikas.
Iha tuku 10:45 dadeer, Xefe Estadu Maior Jerál FALINTIL-FDTL, Tenente-Jenerál Domingos Raúl "Falur Rate Laek", sei hato'o nia diskursu, tuir fali ho diskursu Prezidente Repúblika, José Ramos-Horta, iha 11 dadeer.
Hafoin diskursu sira, sei iha parada Forsa sira iha Parada iha tuku 11:20 dadeer, tuir fali ho aprezentasaun atividade militár no manifestasaun entre komponente no unidade sira F-FDTL nian.
Programa ne’e sei remata ho almosu selebrasaun iha tuku 11:55 dadeer, tuir fali ho vizita ba espozisaun no feira materiál militár nian iha tuku 12:15 loraik. Selebrasaun sira sei remata ofisialmente iha tuku 12:30 lokraik.
