Iha loron 1 fualn-jullu 2024, Ministru Prezidénsia Konsellu Ministru, Agio Pereira, hasoru malu ho grupu médiku nasionál sira iha Palásiu Governu. Sorumutu ne’e ho objetivu atu ko’alia kona-ba médiku sira nia preokupasaun no sujestaun kona-ba estadu atuál setór saúde nian iha Timor-Leste. 

Médiku sira aprezenta diagnóstiku ida ne’ebé ho detalle kona-ba setór ne’e no rekomenda medida oioin atu hadi’a kualidade servisu saúde nian.

Ministru Agio Pereira hatudu nia apoiu ba inisiativa sira ne’ebé Médiku sira propoin no destaka importánsia hosi planu reforma ida iha setór no kriasaun hosi orden médiku nian. Governante destaka mós evolusaun sistema saúde nian dezde tinan 2002, maibe rekoñese nesesidade ba intervensaun sira hodi hadi’a prestasaun kuidadu saúde nian no garante populasaun nia konfiansa iha sistema saúde nasionál.